zondag 5 juli 2009

DI DIESKUATER DJADUMINGU SIKLO B

Promé Lektura : Ezekiel 2, 2-5
Salmo : Salmo 122, 1-4
Di dos Lektura : 2Korintio 12, 7-10
Evangelio : Marko 6, 1-6


Bo a fiha kon nan ta risibí esnan ku a triunfá na nan lugá di residensia? Bo a mira e fiesta ku nan ta organisá ora un hende gana un trofeo deportivo importante i ta bolbe na su lugá di orígen…?
Awe ta Hesus ta esun ku ta bin bèk su pueblo i serka su hendenan, na Nazaret, i E ta hasié kompañá pa su disipelnan ku a mira su milager- i a skucha su palabranan. E risibimentu no por ta mas friu , e akohida no por ta mas pober. Ora Hesus ta kuminsá duna siñansa den snoa, e hendenan na lugá di konsentrá riba loke E ta bisa humanamente ta fiha riba esun ku ta papia. Ya ta konosí pa boso, ku nos komo ser humano ta kustumbrá pa bai di persona pa e palabra; kada un ta papia segun hende ku e ta…
Nan ta despresiá Hesus pasobra nan tabata katalog’é komo un den tantu. Algu similar por ta por ta pasa ku nos awe. Nos fe den Kristu ta aparesé komo un mas den e surtido ku e supermerkado di kreensia ta ofresé nos. Nos fe i su obranan no ta sosialmente balorá. Hopi ta mira fe den Kristu komo algu di tempu bieu ten ku e ser humano no a yega na plenitut di konosementu rasional…
Awe nos ta bisa "Ningun hende ta profeta na su tera" i na hopi okashon ta bèrdat. Tin bia nos ta demasiado serka di sierto persona pa mira su grandesa. Di otro banda, no laga nos ta ingenuo; hopi bia nos no ta rekonosé e bon den otro pasobra nos ta sinti den nos interior herida di envidia òf e puñá di yalusí.
Riba e kaminda pisá di evangelisashon no semper nos lo ta riba djadumingu di rama; hopi bia nos tarea di evangelisadó lo pasá den di hopi Bièrne santu. Tin kristian ku ta sufri pasobra nan fe no ta rekonosé, ni muchu ménos nan tarea di entrega na otro. Inkonsientemente nan ta sigui buska aprobashon sosial. Tambe tin persona ku ta pidi nos splikashon tokante nos fe, i nos ta duna nan un mas .... i un mas.… pero nunka nan ta kaba di komprondé profundidat di e mensahe. Esaki ta normal.
Ora un hende aserka nos pa pidi nos splikashon tokante nos fe, nos tin ku puntra nos mes i trata na deskubrí loke realmente ela bin buska. Realmente e ta un hende den aktitut de búskeda sinsero i di konfiansa, òf mas bien e ta un hende ku loke e ke ta pasa tempu liber den diskushon interminabel tokante di fe? Tin ku tene masha kuenta ku meta di e kòmbersashon. Tin hende ku lo no konformá nan mes ku tur splikashon i rasonamentu ku por duna nan. Semper nan lo tin un .. pero ... i un keho. Sistema humano ta asina: maske TA kere .... no tin mas siegu ku esun ku no ke mira.
Si hende ta uni pa odia, nan lo odia; si nan a reuní pa resistí di komprondé, nan lo komprondé robes; si nan a reuní pa no mira otro punto di bista ku no ta esun di nan mes, nan lo no mira otro. Pero si hende reuní den amor pa Kristu i tratando nan mes pa un stima otro, hasta esnan ku distansha tin nan mas asina separá lo por topa ku otro den djE.
Nos komo kristiannan di e tempu aki no mester kobardiá pa medio di rasonamentu mas o ménos hinká den otro ku ta pidi nos prueba tokante nos fe. Pa nos mester ta bon kla ku esun ku ta anunsiá e mensahe di Dios na otro mester konta ku ta hasi chèrchè di dje ku ignoransia for di lugá. Lo hasi menospresio di dje pa su mensahe.
Hesus den su pueblo ta kisas e ehèmpel mas kla di loke por pasa nos ku nos famia, ku nos amigunan di infansia, ku e konosínan di hinter bida. Ta kurioso mira kon probablemente nos a aserká algun persona pa medio di Dios, pero, en kambio, esnan mas serka, na nos famia i konosínan di hinter bida, ta mantené nan mes na distansha di e fe den Señor, ora nan tin ku sali na defensa di esaki. .......Kiko hasi?
E mensahe de Hesus lo pasa bai den siglonan i lo sigui predik’é, maske esnan mas serka di nos no ta komprondé ni kompartí nos eksperensia. E mensahe de Hesus lo no muri ku nos.
Prediká e mensahe no únikamente ku palabra sino tambe ku un bida di entrega i di amor generoso na e otro. Nos propósito mester ta di apertura i di skucha, mirando i apresiando tur e bon ku e otro por aportá na nos, inkluso esun alehá òf esun ku no tin fe.
Hasi nos mes sereno den Dios. Nos no ta yamá pa hasi propaganda di e reino di Dios pa otronan, sino pa eksperensiá personalmente, aki i awor, e reino ei ku ta habri kaminda pa medio di tempu i di kondishon humano.
Si nos mantené e klavenan aki probablemente nos propio bida lo ta testimonio rekonosí di ku Kristu ta un ser ku ta pa kende ta bal la pena biba i pa ken bal la pena inbertí e eksistensia di kada dia.

vrijdag 3 juli 2009

’Botten gevonden in tombe van Paulus’

In de tombe van de apostel Paulus in de Italiaanse hoofdstad Rome zijn botfragmenten uit de eerste of tweede eeuw na Christus gevonden. Dat heeft paus Benedictus XVI gisteren gezegd tijdens de plechtige vesperviering ter afsluiting van het Paulusjaar, in de basiliek van Sint-Paulus-buiten-de-muren.

Bot en textiel
"De vondst lijkt te bevestigen dat het graf het stoffelijk overschot van de apostel Paulus bevat", concludeerde de kerkvorst. "De ontdekking raakt ons diep.’’ Onderzoekers hadden een klein gat gemaakt in de wand van het vermoedelijke graf van de apostel. Via het gat werd een kleine sonde ingebracht. Die vond niet alleen de botresten, maar ook blauw en paars textiel.

Onder basiliek
Paulus is rond het jaar 60 na Christus door de Romeinen onthoofd. Hij werd buiten Rome begraven, op de plaats waar later de basiliek Sint-Paulus-buiten-de-Muren werd gebouwd. Pas drie jaar geleden werd in de basiliek het mogelijke graf van de apostel teruggevonden.

www.katholieknederland.nl

‘Caritas in veritate’ verschijnt 7 juli

De langverwachte sociale encycliek Caritas in veritate van paus Benedictus XVI wordt op 7 juli gepubliceerd. Dat heeft het Vaticaan vandaag bekendgemaakt.

Kardinalen
De encycliek zal tijdens een persconferentie worden gepresenteerd door kardinaal Paul Josef Cordes, president van de Pauselijke Raad Cor Unum, en kardinaal Renato Raffaele Martino, president van de Pauselijke Raad Justitia et Pax.

Economische crisis
Caritas in veritate (‘Liefde in waarheid’) is de derde encycliek van Benedictus XVI. Oorspronkelijke aanleiding voor het schrijven van een sociaaltheologisch document was de veertigste verjaardag van de encycliek Populorum progressio (1967) van paus Paulus VI. De publicatie werd steeds uitgesteld, omdat de paus de actualiteit van de huidige economische crisis erin wilde verwerken.

Globalisering
De encycliek, die ongeveer honderd pagina’s beslaat, gaat over de morele consequenties van de globalisering. Het stelt vragen bij het vigerende economische waardestelsel, waardoor arme landen de dupe worden van het welvaartsstreven van de rijke industrielanden.

Bron: www.katholieknederland.nl

Kardinaal Newman dit jaar zaligverklaard


Paus Benedictus XVI heeft het decreet doen uitgaan dat officieel de weg vrijmaakt voor de zaligverklaring van de Britse kardinaal John Henry Newman (1801-1890).

Ruggengraat
Het decreet betreft een wonder op voorspraak van de Engelse kardinaal. Jack Sullivan, een diaken uit de Amerikaanse staat Massachusetts leed aan een ernstige aandoening aan zijn ruggengraat, maar genas nadat hij een noveen tot Newman had gebeden. In 2008 oordeelden de medische raadgevers van de Congregatie voor de Heiligverklaringen dat dit voorval niet op logische wijze viel te verklaren.

Eerbiedwaardige dienaar Gods
Johannes Paulus II maakte in 1991 de weg voor de zaligverklaring van Newman al vrij door diens voorbeeldige leefwijze te erkennen. Bij die gelegenheid kreeg de kardinaal de status van 'eerbiedwaardige dienaar Gods'. Na de zaligverklaring is de erkenning van een tweede wonder voor zijn heiligverklaring. Er zijn al andere wonderen op zijn voorspraak bij het Vaticaan in onderzoek.

Intense dankbaarheid
John Sullivan, wiens genezing de aanleiding vormt voor de zaligverklaring, zegt in een reactie dat het nieuws van vandaag hem met een intens gevoel van dankbaarheid vervuld. Zijn werk als diaken heeft hij altijd opgedragen aan Newman en de kardinaal geeft nu nog dagelijks richting geeft aan zijn werk, aldus Sullivan.

Rome of Londen
De zaligverklaring vindt waarschijnlijk later dit jaar plaats in Rome, tenzij wordt besloten om de plechtigheid in de Westminster in Londen te houden. Engelse media speculeren al over een gelijktijdig bezoek van de paus aan Engeland. Het is sinds de Reformatie in Engeland niet meer voorgekomen dat een niet-martelaar heilig wordt.

Overstap
John Henry Newman werd op 21 februari 1801 geboren in Londen en stierf op 11 augustus 1890 in Birmingham. Hij had eerst een vooraanstaande positie binnen de Anglicaanse Kerk, maar bekeerde zich in 1845 tot het katholieke geloof. Newman werd dankzij zijn vele boeken en publicaties bijzonder populair en oefende grote spirituele invloed uit op de katholieke Kerk in Engeland. Paus Leo XIII creëerde hem in 1879 kardinaal. Toen hij op 11 augustus 1890 op 89-jarige leeftijd overleed, woonden ruim 15.000 mensen zijn uitvaart bij.

Bron: www.katholieknederland.nl

zondag 28 juni 2009

Solemnidat de san Pedro i san Pablo

Promé Lektura : Echonan 12, 1-11
Salmo : Salmo 34, 1-8
Di dos Lektura : 2Timoteo 4, 6-8. 17-18
Evangelio : Mateo 16, 13-19


Solemnidat de san Pedro i san Pablo ta un di esnan mas antiguo di aña litúrgiko. E ta aparesé den e santoral inkluso promé ku fiesta di Pasku di Nasementu. Den siglo IV ya tabata eksistí e kustumber pa selebrá tres misa esta un den e basílika vatikano, otro den san Pablo extra muros i otro den e katekumbonan di san Sebastián, kaminda nan a skonde e relikianan di e apòstelnan durante algun tempu. Den un prinsipio tabata konsiderá ku 29 di yüni tabata e dia riba kua, na aña 67, Pedro a sufri e martirio riba e seru vatikano i Pablo den e lokalidat denominá “Tre fontane”. En realidat, si e hecho di e martirio ta un dato históriko inkuestionabel ku a tuma lugá na Roma den époka de Nerón, no ta asina sigur, en kambio, e dia i aña di morto di e dos apòstelnan, pero ta parse ku e ta entre aña 67 i aña 64.E solemnidat ta festehá e dos kolumnanan di Iglesia. Di un banda, Pedro ta e hòmber elegí dor di Kristu pa ser “e baranka” di Iglesia: “Abo ta Pedro i riba e baranka aki lo mi traha mi Iglesia” ( Mt 16,16). Pedro, hòmber frágil i apashoná, ta akseptá humildemente su mishon i ta soportá di ta será den prizonnan i maltrato pa nòmber di Hesus.(Hch 5,41). E ta prediká ku balor, yen di Spiritu Santu (Hch 4,8). Pedro ta amigu será di Kristu, e hòmber elegí ku a arepentí di a nenga su maestro, e hòmber duru i generoso ku ta rekonosé Dios ku a bira hende, e Mesias primintí: “Abo ta Kristu, Yu di Dios bibu”( Mt 16,16). Hechonan di apòstelnan ta konta nos den e solemnidat aki liberashon di Pedro di e prizonnan herodiano. “Ku e intervenshon ekstraordinario, Dios a yuda su apòstel p'asina ku e por a prosiguí su mishon. Mishon no fásil, ku tabata impliká un itinerario kompleho i hopi difísil. Mishon ku lo konkluí ku martirio “ora bo bira bieu, lo bo rèk man laga otro hende drecha bo paña i hiba bo kaminda bo no ke” (Hn 21,18) presisamente aki, na Roma, kaminda te awe e graf di Pedro ta meta di peregrinashonnan insesante di tur parti di mundu “Pablo, di su banda, a ser konkistá dor di e grasia divino riba kaminda pa Damasco i di perseguidó di kristiannan el a kombertí den Apòstel di esnan pagano. Despues di a topa ku Hesus riba su kaminda, el a entrega su mes sin reserva na e kousa di Evangelio. Tambe a reserva na Pablo komo meta leu Roma, kapital di e Imperio, kaminda, hunta ku Pedro, lo a prediká na Kristu, úniko Señor i Salbador di mundu. Dor di fe, tambe e lo a drama su sanger presisamente aki, uniendo pa semper su nòmber na esun di Pedro den historia di Roma kristian” (Huan Pablo II, 29 di yüni di 2002). Pablo ta e apòstel fogoso i sin kansa ku ta rekurí mundu konosí den e époka pa anunsiá e bon notisia di salbashon di Kristu Hesus. E sa ku a dun'é un mishon, un responsabilidat, un tarea ku e no por dekliná. “Ai di mi si mi no a prediká e bon notisia” (1 Kor 9,16).E kolegio episkopal i su kabes, Papa. “Kristu, ora El a instituí e diesdosnan, "a forma un sorto di Kolegio òf grupo stabil i eligiendo di entre nan a pone Pedro dilanti di dje". "Asina manera, dor di disposishon di Señor, san Pedro i e otro apòstelnan ta forma un úniko kolegio apostóliko, pa rasonnan análogo nan ta uní d entre sí e Romano Pontífise, susesor di Pedro, i e obispunan, susesonan di e apòstelnan". Señor a hasi di Simon, na kua el a duna e nòmber di Pedro, i solamente di dje, e piedra di su Iglesia. El a entreg’é e yabinan; el a instituyé wardadó di hinter e trupa. "Ta kla ku tambe e Kolegio di apòstelnan, uní na su kabes, a risibí e funshon di mara i lòs duná na Pedro". E ofisio pastoral aki di Pedro i demas apòstelnan ta pertenesé na e semènt di Iglesia. E ta kontinuá dor di e obispunan bou di guia di Papa.El Papa, obispu di Roma i susesor di san Pedro, "ta e prinsipio i fundamentu perpetuo i visibel di unidat, tantu di e obispunan komo di e muchedumbre di fielnan". "E Pontífise Romano, en efekto, tin den Iglesia, den virtut di su funshon di Vikario di Kristu i Wardadó di hinter Iglesia, e poder pleno, supremo i universal, ku semper e por ehersé ku hinter libertat". (Katesismo di Iglesia Katóliko 881-882).

DI DIESTRES DJADUMINGU SIKLO B

Promé Lektura : Sabiduria 1, 13-15; 2, 23-24
Salmo : Salmo 30, 1 i 3. 4-5. 10-11. 12b
Di dos Lektura : 2Korintio 8, 7.9. 13-15
Evangelio : Marko 5, 21-43


E dos milagernan di Hesus ta aparesé denter di un seri di kuenta den kua e evangelista San Marko ke aksentuá e nesesidat di fe frente e poder i palabra di Hesus. Siman pasá nos a skucha Hesus pidiendo su disipelnan fe dilanti e tormenta ku a parse di lo a hundi nan; i e siman aki nos ta mira dos berdadero modelo di fe: e muhé ku tabata sangra i Jairo, hefe di snoa. Den tur dos milager ku awe nos ta skucha, Hesus ta rekonosé òf pidi nan fe den su persona p’asina E por aktua.

Ta kere ku e dos kuentanan aki ta siña nos elementonan mashá importante di nos relashon di fe ku Hesus. Promé, e kapasidat pa tin fe den Hesus no ta den relashon direkto ku nos “puresa” religioso; ke men, Jairo, komo hefe di snoa, talbes por a pensa ku Hesus mester a bai kuné pasobra e tabata un hudiu prominente ku tabata biba mashá envolví ku leinan religioso. Pero kua tabata su sorpresa ku tin un muhé, konsiderá komo impuro pa motibu di su fèrmidat, tambe Hesus ta kura. Esaki ta mustra nos ku kualke hende por akudí na Hesus, no ta importá nos kondishon anterior na momentu di kontra ku Kristu. Na di dos lugá, fe ta surgi di un enkuentro personal ku Hesus; den tur dos kaso, esun ku tabata bludu i Jairo tin un diálogo profundo ku Hesus i esaki ta loke ta transformá nan internamente. Di tres, e salbashon ku fe den Hesus ta trese pa nos ta bai mas ayá di un salbashon físiko; salbashon di e dos personanan ei , a sosodé ora nan a kere den Hesus, ora nan no a duda den e poder i forsa di Kristu i asina nan por a drenta den e mundu maravioso di e Reino di Dios.

Awendia nos ta biba un krísis di fe. Hende ta konsentrá riba su mes i ta kere ku e por splika hinter mundu ku ta rondó di dje for di su mes persona. Ku regularidat nos ta skucha hende ku ta bisa di biba mihó sin “asina tantu ideanan religioso”; ku ke topa ku un Dios ku ta skucha nan ora ku nan ke pero ku no ta komprometé nan mes na nada. I mayoria be esnan ku ta pensa asina no ta mal hende, inklusive nos ta topa nan de bes en kuando den misa, pasobra “a duna nan un gana di bai misa riba tal dia!” Pero tin fe, no ta únikamente kere ku Dios ta eksistí, e fe ei hasta demoño tin’e , pasobra E ta esun mas konsiente di esaki! Tin fe ta nifiká topa ku un persona, ku kende nos ta komprometé nos mes i ku nos ta yuda; ta nifiká laga e persona aki ku ta Hesus transformá nos bida ; ta permití’é kambia nos kustumber-, nos pasatempu, nos forma di bisti i nos manera di trata otro hende.. Tin fe den Kristu ta nifiká permitiÉ kura nos “heridanan” p’asina ku nos por sirbi manera E ta pidi nos; ta skuch’É i laga ku e palabra ei ta transformá nos, asina manera e mucha chikí ku a muri i ku palabra di Kristu a transform’é.

Ban purba di tin fe den Kristu. E ta primintí nos salbashon, pero no un salbashon terenal, sino salbashon eterno. Ta p’esei, ora nos ta kere den djE no ta únikamente pa E kura nos di tal òf kual fèrmidat, sino pa e kura nos interiormente pa di tal forma nos por rekonosé su plan den e bida ku a toka nos di biba. Laga nos aserká Hesus, laga nos mishi ku su Kurpa i su Sanger, laga nos skucha su palabra ku ta duna bida i laga nos sigui konstruí e Reino ei ku E a bini pa inougurá.

E siman aki, laga nos trata pa “duna bida”na un hende: ku nos tempu, nos pordon, ku nos solidaridat. Laga nos trata di duna testimonio ku Kristu, den kende nos ta kere i nos ta karga paden di nos, ku ta transformá den bida tur loke e toka.

zondag 21 juni 2009

DI DIESDOS DJADUMINGU SIKLO B

Promé Lektura : Job 38, 1. 8-11
Salmo : Salmo 106, 23-26, 28-31
Di dos Lektura : 2Korintio 5, 14-17
Evangelio : Marko 4, 35-41



Tin sirkunstansia, akontesimentu i suseso den bida ku ta laga nos sinti nos mes felis i alegre. Ta parse ku tur kos ta sali nos bon, ku tur kos ta koperá na nos felisidat. Nos ta gosa di bon salú, nos tin plaka, no tin problema den famia. I e alegria aki ta desbordá, e ta lusi pa otro mira, nos ta komuniká esaki ku esnan rondó di nos. Na otro okashon ta parse ku tur kos ta bai malu pa nos. Apesar di nos bon boluntat, nos no tin éksito den loke nos kuminsá kuné. Ta parse ku tur kos ta bai den nos kontra . I nos ta kulpa loke ku sierto superstishon nos ta yama destino òf Dios mes. Tin bia, ora kos ta bai malu pa nos, nos ta kòrda riba Dios i nos ta pidié pa yuda nos. Sikologia humano ta asina kompliká ku, fásil nan ta pasa di un sintimentu pa otro: di alegria pa tristesa, di plaser pa doló, di kurashi pa miedu.
Ambiente di lekturanan djawe ta konta nos di e grandesa i poder di Dios i di chikí di e ser humano; di sufrimentu i inkapasidat humano i di e forsa di Dios ku por libra nos di tur prekupashon. Nos konosé esena di e evangelio. Ta nochi. E apòstelnan ta move ku nan rema den laman. Kristu, kansá di trabou di den dia, ta na soño. Direpente ta lanta un tormenta, olanan ta pasa riba e barku, ku peliger di ku e apòstelnan por bai awa, spantá nan ta spièrta Kristu pa pidié yudansa i Kristu ta realisá e milager. Laman ta bira kalmu.
Den Tèstamènt Bieu ta konsiderá laman komo serial i sentro di mal poder i di skuridat. Ta Dios so por domin’é. Ta loke e promé lektura den buki di Job ta indiká na nos. Dios a sera laman denter di sierto límite ku e lo no traspasá i ku ta manifestá omnipotensia di Dios. Kristu ta ordená laman i esaki ta bira kalmu. E apòstelnan ta keda tur asombrá dilanti tal poder i a puntra otro: "Ta ken e hòmber aki ta, ku asta bientu i laman ta obedesé"? Ta únikamente Dios por dominá laman. Di manera ku e hòmber aki ku a ordená i a logra ku laman a trankilisá, ta Dios. Kristu ta Dios. Por ta ku t’e na e anochi ei e disipelnan no a duna nan mes kuenta di ken Kristu tabata realmente. Nan tabata atmir’é komo un personahe importante. Pero sigur nan no a mira Dios den dje.
Laga nos tuma nota di un detaye den e episodio. E milager ta realisá komo konsekuensia di e petishon, di orashon di apòstelnan. Nan ta spièrta Kristu pa lag'é mira e peliger den kua nan tabata aden i nan a pidié pa salba nan. Kristu ta reprochá nan pa nan kobardia i nan falta di fe. Nan a akudí na orashon, na pidimentu, ora nan tabata den peliger. Lamentabel ta ku frekuensia nos ta kòrda riba Dios únikamente ora nos ta haña nos den situashon di ansha: ora nos ta malu, ora un ser kerí ta den hospital, ora kos no ta bai segun nos gusto. Nos, komo apòstel, ku frekuensia ta lubidá di ku Kristu, di ku Dios ta ku nos, i ku di tal forma nos no mester preokupá nos pa kos, sino trata di saka mayor probecho posibel di tur kos. Nos ta enbolbí nos mes asina profundo den e mundu ku ta rondoná nos, negoshi, dibertishon, ku nos ta lubidá ku Dios ta huntu ku nos, ku Dios ta dirigí susesonan den nos bida, di ku Dios tin su providensia ku ta rigi nos destino i destino di mundu. Nos falta fe i entrega na Dios. Nos ta lubidá di biba bou di bista di Dios. Ta p'esei nos ta desanimá i nos ta sinti miedu dilanti di kualke difikultat ku bida presentá na nos.
Nan a kompará bida humano ku un barku. Mundu ta e laman kompliká i hundu riba kua nos tin ku move, yen di peliger, di mònster, di animalnan gigantesko dispuesto pa kaba ku nos. Hopi ta e difikultatnan ku nos ta haña nos aden, hopi e peligernan ku ta rondoná nos i ku ke stroba nos di yega na nos destino, na kas di e Tata. Tin ku pasa den laman di bida no ta kos fásil. Nos tin ku riska i sigui Kristu riba e kaminda ku E a mustra nos. Tentashon, enemigunan di nos alma, forsa di maldat ku ke difikultá nos peregrinashon, ku ke stroba nos di yega shelu, na e felisidat ku nos ta buska i ku nos no ta haña riba e mundu aki. Tur esaki ta nesesario. Na final di nos bida nos lo haña e laman kalmu, trankil, felisidat, Dios. I den nos marcha, Kristu ta bai ku nos. Aparentemente, hopi biaha e parse di ta na soño sin ta preokupá ku nos lucha, nos esfuerso i nos difikultatnan. Pero djaleu e ta mira tur loke nos ta hasiendo pa keda den su grasia, pa no pèrd’é, pa sigui kuné. I den tal esfuerso E ta premiá nos. Ta p’esei nos mester biba den e speransa aki.
Kristu ta enbolbí den nos bida; E ta biba ku nos i den nos pa medio di boutismo. Amor di Kristu a transformá nos. I San Pablo ta bisa nos den e lektura di awe ku " amor di Kristu ta urgí nos". I e ta urgí nos pa kontest’é ku e mesun amor. "Si Kristu a muri pa tur hende, tur hende a muri". Loke ta importante di morto no ta morto mes; importante ta ku e ta habri kaminda pa nos, e ta duna nos akseso na otro bida, e ta proyektá pa nos eternidat felis. Nos tur a muri di piká p'asina nos por biba pa e grasia, pa e amistat di Dios, pa santidat, pa felisidat. Pa e boutismo ku Kristu a regalá nos, pa su morto, nos mester ta kriaturanan nobo ku no ta biba sino pa Kristu, ku nos ta dirigí tur kos na Kristu, ku tur kos ta hiba nos na Kristu. E mandamentunan, e sakramentunan, kumplimentu ku nos debernan komo mayor di famia, komo yu, den nos dibertishonnan, tur ta hiba nos na Kristu, ta yuda nos biba pa Kristu. Mundu ta spera un sonrisa di komprenshon, un man di amigu, entrega di e katóliko, di e yu di Dios, di esun ku ta biba pa Kristu. Laga nos no defroudá humanidat, laga nos no defroudá Kristu.
Laga nos pidi Kristu pa nos biba p’E, pa nos akseptá Su mensahe, pa E ta semper den nos.