Amor ta komunion berdadero

Ora un hende no pensa mas ku riba su mes, e no ta hasi otro kos ku lanta un barera invensibel kontra e berdadero amor. Amor ta "komunion", berdadero entrega mutuo; por tantu, bo mester ta dispuesto pa duna i risibí; pa duna, ta nesesario ser generoso; pa risibí ta nesesario ser humilde; solamente esnan generoso i humilde lo ta kapas pa stima berdaderamente. Ningun komunion ta mas profundo, mas íntimo i mas real ku e komunion ku Dios; Pasobra den dje Dios ta entregá su mes plenamente na nos i ta risibí nos ku plenitut; ta p'esei, komunion eukarístiko ta e mihó forma pa yega pa laga nos desaparesé, pa kombertí nos den Dios, ku nos a yega na poseé hasta lo mas íntimo di nos ser. Pa por risibí Dios, ta nesesario promé na risibí ku rumannan, ku tur hende; risibí komunion ku rumannan ta duna na nan i risibí di nan.