Bèrdat i mentira

Bèrdat i mentira ta kontrario den tur nan aspekto. Mentira tin kustumber di ser mas bunita i ta zona mihó den nos orea, e ta mas atraktivo, mas komplasiente; si nan bisa bo ku bo ta sabí, ku bo ta bon, ku bo ta simpátiko i kosnan por estilo, indudablemente e ta komplasé bo, e ta zona bo bon, pero kisas e no ta tan sierto i den konsekuensia e lo no hasi bo bon, e lo no yuda bo na bo perfekshonamentu; al kontrario, lo e por ta un opstákulo pa bo mes, pues bo lo yega na kere loke na ta bisa ta bèrdat i den konsekuensia ya lo bo no pone mayor esfuerso pa mehorá bo mes. Pero ora nan ta bisa bo e bèrdat, ta bastante desagradabel, poko atraktivo, marga, humiante; di tur moda, unabes ku bo a pasa e promé momento di disgustu, si bo pone bo mes na pensa poko poko, lo bo mira ku ta mas produktivo pa laga bo kai na kuenta di tur loke bo falta pa yega na perfekshon, pues asina, konosiendo kon bo ta di bèrdat, lo bo por stimulá bo mes pa ta mihó.
No mira, pues, e bunita di mentira òf di lembelansa; fiha bo mes, mihó, den lo grave dje bèrdat.