Den silensio

Suavemente mi ta sera porta pa tur distraishon eksterior i mi ta topa ku Dios den silensio di mi ser. Den silensio ta renobá mi konsiensia di Dios i e donnan ku E a brinda na ami.
Den silensio mi ta risibí e don di pas i mi ta aksept’é awor den mi bida. Pas ta e kopa ku mi ta presentá p'asina e keda yená ku tur bendishon ku mi ta dispuesto pa risibí.
Den silensio mi ta risibí e don di guia. E ta yena mi, E ta rondoná mi i E ta iluminá mi kaminda. Mi ta avansá bibando i marchando bou dje maravioso lus reveladó di Dios.
Den silensio mi ta risibí e don di kurashon. Awor kurashon ta brota for di lo mas profundo di mi. Mi ta sano, bon i fuerte.
Den silensio mi reklamá donnan ku Dios a duna mi i mi ta bisa: "Mi ta gradisí Bo, Señor, p’e pas, guia i kurashon".