E bèrdat

Un hende sin idea kla ta un hende desorientá, un hende sin ruta; òf al ménos ta un hende ku ta sigui un ruta ku no ta terminá den meta, sino ku ta sigui kaminda i kamindanan ku ta pega i krusa, pero nunka lo kondusí na un fin. Idea ta mama di akshon; na ideanan kla lo sigui akshonnan definí i ku orientashon pa su ophetivo bon konosí i amorosamente buská.Idea mester di lus, e lus di bèrdat. Dios ta e bèrdat kuantu mas nos alehá nos di Dios, mas leu nos ta di e lus, mas nos sirkundá skuridat di horor; i pas esfuerso ku nos hasi, mas nos lo frakasá den skuridat di eror i den maldat. Ora ku hende ta kana den eror i maldat, pa mas e kere ku e ta den e bèrdat i den bon, e no ta laga di dirigí su mes na katástrofe, tantu mas doloroso i amargá kuantu ménos pensá i sperá dor di dje. Ta p'esei , pa yega na Dios, nada mihó ku bai p’E i busk’E ku kurason sinsero.