Pensando riba Pasku di Nasementu

Ya e dianan aki nos ta pensando riba e próksimo Pasku di Nasementu; nos ta pensando riba dje i nos ta sperando; manera e mucha chikí ku ta spera riba e dia di fiesta òf pa bai keiru; ku e ilushon di e novio ku ta soña riba e momentu di konsagrashon di su amor dilanti altar di Dios. Ya ku Fiesta di Pasku di Nasementu pa tur kristian ta esaki: e ta un fiesta, un paseo, un entrega di Dios na hende. Fiesta di Pasku di Nasementu ta yena ilushon di tur hende: mucha chikí i adulto. Nos tur ta spera e Mucha chikí ei ku siendo mucha ta atraé esnan adulto, i siendo adulto e ta rondoná di mucha chikí. Semper nos ta sintié di nos, masha i nos i masha serka di nos. Nos tur, sin eksepshon, riba dia di Pasku di Nasementu lo parse ku nos lo sinti nos mes mas bon, pasobra nos ta sinti ku nos ta mas mucha. I, ora nos sinti nos mes mas mucha, nos lo kòrda e palabranan ku Hesus ku a nase na Bètlehèm a bisa: "Reino di Shelu ta di esnan ku ta bira manera mucha chikí: simpel, humilde, inosente".