Stima

Nos tur ta deseá di ser stimá. Un karakterístika komun di sernan humano ta e nesesidat di ser importante den bida di un hende mas. "Al ménos un persona mester di mi", nos ta bisa ora nos sinti nos mes ménos apto pa akseptá eksigensianan di bida. E paradòks ta ku nos propio nesesidat di amor ta redusí ora ku nos ta stima otronan. Ofresé bo amor i esaki ta bin bèk serka bo. Esaki ta un promesa den kua nos por konfia.
Generalmente, e realidat aserka di amor i su ruta dje emisor n’e reseptor i visevèrsa ta leu di nos mente. Ku mayor frekuensia nos ta desesperá i nos ta opseshoná dor di falta di prueba di amor den nos bida. Dikon e no ta hari? Dikon e mucha muhé ei no ta import’é? Un hende mas importante a tuma mi lugá? E hecho di ofresé nos amor na lugá di busk'é, lo drenta den tur nos eksperensianan. Bida lo ta mas trankil i e rekompensanan lo ta hopi i di gran alkanse.
Stima otro lo garantisá mi e amor ku mi ta deseá. Pero mi no por spera nada si ami no duna promé.