Bièrnè Santu

Bièrnè Santu ta dia di pashon i morto di Señor i di ayuno Paskual komo signo eksterior di nos partisipashon den su sakrifisio.
Riba e dia aki no tin selebrashon eukarístiko, pero nos tin e akshon litúrgiko despues di mèrdia pa konmemorá pashon i morto di Kristu. Kristu ta aparesé na nos komo r Sirbidó di Dios anunsiá dor di profetanan, e Lamchi ku ta sakrifiká pa salbashon di tur hende.
E krus ta e elemento ku ta dominá tur e selebrashon iluminá dor di e lus di resurekshon, e ta aparesé na nos komo trono di gloria i instrumento di viktoria; ta p'esei e ta wòrdu presentá na e adorashon dor di fielnan.
Bièrnè Santu no ta dia di lágrima ni di luto, sino di kontemplashon amoroso i gososo di e sakrifisio redentor for di esun ku a brota salbashon. Kristu no ta un hende vensí sino un vensedó, un saserdote ku ta gasta su ofrenda, ku ta libra i rekonsiliá, ta p'esei nos alegria