Ken ta kontra di bo?

Rumannan.
Ku pas di Kristu lo bendishoná boso i mi ta deseá boso lo mihó den e dianan aki di Pasku di Resurekshon.
“Si no tin lantamentu for di morto, Kristu lo no a lanta for di morto. Anto si Kristu lo no a lanta for di morto, tantu loke nos ta prediká komo boso fe ta sin sentido" (1 Kor 15,13)
Ta maravioso sa ku e mesun Hesus ku na a kondená, skupi i maltratá a lanta ku Gloria vensiendo morto i dunando nos bida eterno na su banda.Amigunan, esaki ta e Hesus mes ku awe ta ku bo, ta kana banda di bo i ta sostené bo maske ora bo no ta mir'é, maske ora bo no ta "sintié", maske ora bo ta ignor’é.
Akaso lo tin algu ku bo no por vense? Algu mas grandi ku Hesus?. No. Su gloria lo ta semper ku bo i tur su sakrifisio, asina manera su resurekshon tabata pa duna bo VIKTORIA.
Asina anto lanta ku desishon, pasobra bo por tur kos den Kristu ku ta fortalesé bo. Deklará viktoria, bendishon i alegria pa bo bida.
Esaki no ta nifiká ku no tin problema, e ta nifiká ku semper lo bo luchando banda di Hesus i den momentunan di prueba, soledat, di angustia E lo brasa bo i kura bo heridanan p'asina bo por yega n’e final.
Ku Kristu resusitá tambe den bida di kada un di nos.

Arturo Quirós Lépiz