Tempu

Tempu, manera bientu, ta seka lágrima. Manera awa, tur kos e ta disolvé. Manera kandela, e ta redusí kosnan na shinishi. Manera solo, e ta iluminá tur kos. E ta aklará lo konfuso, e ta deskubrí lo mas skondí. E ta haña loke ta pèrdí, e ta faboresé toleransia.
E ta rekonsiliá enemigunan, e ta pone amor i amistat na prueba. E ta dual esnan ambisioso. E ta karga ilushon i orguyo, e ta trese konformidat.
Esun ku ta bai kontra di dje, ta frakasá. Esun ku warda riba dje lo bolbe bira poderoso. Esun ku ta aksept’é komo aliado, ta sera amistat.

C.Vigil