Meditashon

I sin duda algun, grandi ta e Misterio di piedat; E (Hesus) a ser manifestá den karni, hustifiká den e Spiritu, presentá na angelnan,, proklamá na nashonnan, akseptá ku fe pa hende rònt mundu i tumá den gloria di shelu". (1 Tm 3, 16)
E fe kristian ta grandioso. Hesus ta amor di Dios enkarná den nos historia. Dios a proba kuantu E tabata stima mundu ora ku El a manda su Yu na tera.
Nos Iglesia Katóliko ta bin ta predikando e bèrdat aki na mundu ya pa mas ku dos mil aña. E bèrdat aki ta animá nos pa prosiguí, maske nos ta ser kalumniá òf pèrsiguí, akusá òf kritiká. Nos fe ta mayor ku tur persekushon.
Grandioso, no por ser tradusí den palabra, únikamente e por ser sintí den e simplesa di nos kurason.
Laga nos mantené nos kabes règt, pues e prueba ta testiguá e kalidat di nos fe.
Nos sa ta den ken nos ta depositá nos konfiansa!

Sergio J. De Souza