No huzga i lo bo no ser huzgá

"No huzga i lo bo no ser huzgá". E afirmashon aki ku nos ta lesa den Evangelio ta di suma importansia pa nos bida di relashon ku esnan ku ta rondó di nos. Nos mester respetá ku amor tur bida ku ta krusa dor di nos kaminda; nan tambe tin derecho di ta "nan" i no tin pakiko pa aspirá pa ta "nos"; asina manera nos mester mantené nos "nos", sin ansha pa yega na ta "nan". E muhé ansiano ku tur dia ta drenta den un tèmpel, molestiando tur hende ku su tosá inoportuno di pechu kansá, por ta tur un maravia di grasia den su interior. E pober muhé ei ku ta atendé bo tras di tonbank, bou di su manera brutu i tras di su mannan tur di sker por ta skonde un noblesa deskonosí pa hopi otro ku ta presentá e parti eksterior mas atraktivo. Si bo no konosé interior di hende, anto bo no por huzg’é; ningun hende tin derecho pa penetrá intimidat personal di ningun hende; e intimidat aki ta un tèmpel, reservá únikamente pa Dios.