woensdag 21 november 2007

Si hende ta hiba Dios huntu kuné

Si hende ta hiba Dios huntu kuné, e no por hib’é tan skondí ku “bo no ta not’é”; e Dios íntimo aki, ku ta penetrá te na hasta na e skina di mas chikí di su ser, mester sali na su eksterior.
I asina e Dios aki lo hasi ora ku hende tuma konsiensia dje maravianan di su bida, lo E kombertié den un bida di maravianan.
Maravianan di grasia i di amor; maravianan di generosidat i di entrega; maravianan di donashon i di ofrenda; maravianan di konsagrashon i di komunion.
Komunion ku Dios i ku otro hende; komunion ku naturalesa i ku hinter kòsmòs. Ku e kòsmòs eksterior ku ta rondoná nos i ku e kósmos íntimo ku ta biba den su interior.
Asina hende, lo a kombertí den un ser di profundidat, di múltiple dimenshon; asina lo e yega na ser e konstruktor di su mes i e hasidó di un mundu nobo, di un estado nobo di kosnan den kua ta reina órden di balornan.