Religion

Tur religion ta bon, ora ku nan ta rekurí kamindanan ku ta hiba nos na amor di Dios i di e próhimo. Trata di sigui preseptonan ku bo religion ta proponé bo. nan, ora bo ta opservá nan ku fidelidat, ta fuente di perfekshonamentu i alegria.
No sea radikal, kondenando religion di otronan, respetá esnan ku ta buska Dios òf stima e próhimo di otro kamindanan.
Respetá filosofia i kreensia di tur hende, p’asina nan por respetá esun di bo. Kultivá bo religion na un manera sabí, pero tin sentido di ekilibrio i no kai den abismo di fanatismo, ku ta degenerá i despresiá e berdadero ophetivo di bo kaminda.