Ordenashon di José Guillermo Ortega Fernández komo diakono

Djasabra awor 8 di desèmber 2007 dia di Solemnidat di La Bírgen Maria Immaculata Konsepshon Mgr. Luis Secco, Obispu di Willemstad lo ordená José Guillermo Ortega Fernández komo diakono. Esaki lo tuma lugá pa 10’or di mainta na Misa Mama di Bon Konseho na Jandoret.
Jose Guillermo a nase dia 12 di yanüari 1972 na Maracaibo, Venezuela i aktualmente e tin komo funshon profesor di historia di Iglesia Antiguo, den e programa di Teologia di e Universidad Católica Cecilio Acosta di Maracaibo.
Ela studia teologia i filosofia na Santo Domingo, Colombia i Venezuela.
Jose Guillermo ta na Kòrsou pa basta tempu i ta yudando den Parokia di Jandoret ita un persona masha humilde mes.
Obispado ta invitá tur fiel pa asistí na e ordenashon aki djasabra mainta awor i pa kòrda Jose Guillermo den nan orashon

Dios no por ta mas bondadoso

Dios no por ta mas bondadoso ku hende: e ta dun'é tantu benefisio, e ta konsed’é tantu grasia; realmente, Dios ya no por hasi mas pa hende.En kambio, hende, ki desagradesidu e ta ku Dios! No solamente e no ta gradisié loke e ta risibí di djE, sino ku inkluso e ta usa e mesun donnan di Dios pa revelá su mes kontra di djE.Dios no por a hasi mas; hende no por a hasi ménos.Dios no por a duna mas; hende no por a respondé ménos.Dios no por a ofresé mas; hende no por a rebahá su mes ménos.Pero Dios ta empeñando den saka lus di skuridat, bida di morto, generosidat di negosiashon; mare awor Dios sali ku esun di djE i nos no sali ku esun di nos.