Karta di un yu na tur mayor na mundu

--No grita mi
Mi ta respetá bo ménos ora bo hasié. I bo ta siña mi tambe grita i ami no ke hasié.
-- Trata mi ku amabilidat i kordialidat igual ku bo amigunan
Ku nos ta famia, no ta nifiká ku nos no por ta amigu.
--Si mi hasi algu malu, no puntra mi dikon mi a hasié. Tin biaha, mi mes no sa.
--No bisa mentira dilanti mi, ni pidi mi pa mi bis’é pa bo (maske sea pa saka bo di un pèrta). Bo ta sòru pa pèrdè fe den loke bo ta bisa i mi ta sinti mi malu.
-- Ora bo kiboká den algu, atmitié
Lo bo mehorá mi opinion di bo i lo bo siña mi tambe atmití mi erornan.
No kompará mi ku ningun hende, spesialmente ku mi rumannan
-- Si bo laga mi parse mihó ku otronan, un hende ta bai sufri (i si bo ya laga mi parse pió, anto ami lo ta esun ku ta sufri).
Laga mi mes balorá mi
-- Si bo hasi tur kos pa mi, ami lo no por siña.
No semper duna mi órden
Si na lugá di ordená mi hasi algu, lo bo a pidi mi, lo mi a hasié mas rápido y mas na gustu.
--No kambia di opinion asina vários biaha tokante di loke bo mester hasi
Disidí i mantené e posishon ei.
-- Kumpli ku promesanan, bon òf malu
Si bo primintí mi un premio, duna mi esaki, pero tambe si e ta un kastigu.
-- Trata na komprendé mi i yuda mi
Ora mi konta bo un problema no bisa mi: "esaki no tin importansia..." pasobra pa mi si e tin.
-- No bisa mi pa hasi algu ku abo no ta hasi
Lo mi siña i hasi semper loke bo ta hasi, maske bo no ta bisa mi. Pero nunka lo mi hasi loke bo ta bisa anto no ta hasié.
-- No duna mi tur kos loke mi pidi bo
Tin biaha, únikamente mi ta pidi pa mira kuantu mi por risibí.
--Stima mi i bisa mi esaki
Ami ta gusta skucha bo bisa, maske abo no ta kere ta nesesario bisa mi esaki.

FIESTA DI SANTA FAMIA

Promé Lektura : Sirag 3, 2-6. 12-14
Salmo : Salmo 128, 1-5
Di dos Lektura : Kolosa 3, 12-21
Evangelio : Lukas 2, 22-40


Famianan kasi semper ta den krísis, pasobra e problemanan ta frekuente. Algun biaha divorsio, otro ta tratonan malu, otronan ta e yunan. Algun biaha e mayornan ta keha di nan yunan, i e yunan ta keha di nan mayornan. Asina ta ku semper tin krísis. Lokual no ta nada nobo. Dos siglo promé ku Kristu, tambe tabatin problemanan pa kousa di modernisashon, di helenisashon di Palestina. Ben Sirag ta rekurí na e tradishon pa sostené famia i idealnan hudiu. E konsehonan di e noble ansiano aki, na distanshanan salbá, tambe ta sirbi pa nos dianan: mas rèspèt, mas atenshon, mas kariño di yunan pa ku nan mayornan i di esakinan pa nan yunan. Awe nos ta selebrá fiesta di santa famia, nos ta selebrá un hecho di salbashon, Hesus ta nase di un muhé i ta kombibí den un famia... ehemplar. Hosé ta sumamente respetuoso ante e misterio di su esposa. Maria ta responsabel ante boluntat di Dios ku a skoh’é pa ser mama di Hesus. I e mucha ta biba den obediensia. Esaki si, semper riba e base di ku tin ku obedesé Dios promé ku hende.

E famia kristian.
Pablo ta pone famia den e marko di Iglesia universal. Famia ta bini na ser manera un iglesia chikí, manera un parokia òf un diósesis den miniatura. De esta suerte la moral familiar, e estilo di bida den un famia kristian, no ta mas ku e moral kristian, loke ta sali di eksigensianan di evangelio. Den tur kaso, famia, parokia, diósesis, iglesia universal, lo berdaderamente importante ta amor: "riba tur kos, amor, ku ta vínkulo di unidat konsumí". I siertamente amor ta e klave, pasobra sin amor, inkomprenshon, egoismo, intoleransia, loke ta bisia i ta pone kombibensia familiar i sosial den krísis.

Santifiká nos den famia.
Si nos kristiannan ta buska santidat, nos lo tin ku hasié den famia, komo ku nos tin ku hasié tambe na trabou i den hasimentu di nada, den bida públiko i den priva. Pero, ku tur esaki, famia ta ofresé mayor oportunidat i mas posibilidat, tur biaha ku ta trata di un grupo chikí den kua nos por konosé nos mes i konfia nos mes. Di einan su importansia pa un saludabel sosialisashon. Den seno di una famia a santifiká Hesus y Hosé y Maria. I nan santidat bien por sirbi nos di pouta. Pero, riba tur kos, e ta sirbi nos di speransa i ta hasi nos aspirashon posibel. Pasobra den un famia, den Santa Famia, Hesus ta ehersé salbashon nobo, habriendo tur posibilidatnan nobo pa nos.

No santifiká famia.
Sin embargo santifiká nos den famia no mester hiba nos na e eror pa santifiká famia. Un kos ta e grupo humano, mayornan i yunan, i otro ta e institushon, suheto na kambio i influenshanan di tempu, ku ta provoká desgustu i por generá konflikto, si nos pone nos mes dilanti normanan na personanan, kòrtando libertat di yunan di Dios. Den e sentido aki e kambionan resien, ku tin biaha nos ta lamentá, por sirbi di okashon pa reforsá vínkulonan familiar, relashonnan entre esposonan, entre yunan i entre mayornan i yunan. Lo malu no ta redukshon di e tamaño, redukshon den kantidat di yunan, lo malu ta redukshon i disminushon di amor. Pasobra sin amor kombibensia ta resultá insoportabel. Divorsio i maltrato di yunan, kada biaha mas frekuente, manera maltrato di hende muhé, ta denunsia e otro redukshon aki, mas peligroso, di e virtutnan pa kombibensia, i ku ta kòrtamentu di amor, manera rèspèt mutuo, toleransia, komprenshon, yudansa mutuo, apoyo resíproko i disponibilidat.

Ora ta pretendé pa kombertí famia den e úniko mundu, e mundu ta resultá chikí i ta kaba den disgustu. E berdadero famia kristian ta semper un famia habrí. Den dje amor ta praktiká i ta alimentá su mes, pero e no ta sera su mes, sino ta habri pa otronan. E ora ei famia ta kumpli su funshon di propedéutiko na sosiedat i solidaridat. E ora ei famia ta oumentá amor, pero esaki no ta seka, pasobra e por ekstendé su mes te na otronan. Mesun kos ku famia ta un Iglesia den chikí ku mester introdusí nos den parokia i esaki den e diósesis, pa sinti nos iglesia katóliko y universal, asina tambe famia mester introdusí nos den asosiashonnan i komunidatnan lokal, pa nos sinti nos mes miembronan di un sosiedat i, riba tur kos, miembronan di e gran famia universal, e berdadero i definitivo famia di tur yunan di Dios.

Nos tin problema den famia? Nos por pèrdè kalmu? Kiko nos ta hasi pa resolvé nan? Kon e relashon di mayor-yu ta? Tin amor, komprenshon, rèspèt, toleransia, pasenshi....? Nos ta dialogá? Nos ta kombibí? Fe ta presente den nos hogar? Nos ta papia tambe di esaki? Nos ta preferá di keda ketu? Nos ta preshoná nos yunan? Kua testimonio nos ta duna? Nos ta pensa ku lo úniko importante ta mi famia? Nos ta interesá nos mes pa otronan? Nos ta hendenan servisial òf nos ta sera nos mes den kas? Kon un famia kristian por influensha otronan positivamente? Kua medionan nos konosé: parokia, asosiashonnan, movementunan apostóliko...?