DI KUATER DJADUMINGU SIKLO A

Promé Lektura : Sofonias 2, 3; 3, 12-13
Salmo : Salmo 146, 7-10
Di dos Lektura : 1Korintio 1, 26-31
Evangelio : Mateo 5, 1-12a


E diskurso riba bienaventuransanan nos ta haña dos biaha den Evangelio, un biaha kontá pa Mateo i otro bia pa Lukas; ta eksistí algun diferensha entre e dos kuentanan ku ta modifiká un poko e lektura di e mensahe, pero “kurason” di esaki ta mesun kos: e ta manifestá e alegria profundo di Hesus pa entrada di e Reino de su Tata ku ta hala serka tur esnan ku a keda ekskluí pa sosiedat i e ta yama nan “dichoso” i heredero di e Reino. Ke men ku e bienaventuransa ta un NO rotundo na infelisidat, na eksklushon, i inhustisia, i un SI profundo na esnan ku den forma simpel ta rekonosé esnan ku tin nesesidat di Dios i a habrí pa su Spiritu pa nan biba ku plenitut.

Mateo ta trese su diskurso for di riba un seru, i tumando na kuenta ku Mateo hopi biaha ta meskla figuranan di Tèstamènt Bieu ku esnan di Tèstamènt Nobo, nos lo por a mira den e figura aki e mesun di seru for di kua Moises a risibí e mandamentunan di Aliansa ( e dies mandamentunan). Asina, nos lo por a bisa ku pa Mateo e bienaventuransanan ta prinsipio básiko di e Aliansa Nobo for di kua mester rigi tur relashon, tantu di Dios - hende, komo entre hende. Ku esaki Mateo ke proponé ku e bienaventuransanan ta mustra e aktitutnan nobo ku e kristian mester asumí: pobresa di spiritu, humildat, set di hustisia, mizèrikòrdia, limpiesa di kurason, ser hende di pas. Ke men, esun ku ta dispuesto pa biba segun e reinado nobo aki di Dios, no por limitá su partisipashon na djis algun akto ritual (manera e reglanan hudiu di tempunan ayá tabata fiha) òf pa medio di un marka manera sirkumsishon, e partisipashon aki lo mester a kuminsá ku kambio di bida, buskando Dios no den ritonan sino den HINTER su bida, ta un apertura radikal na Amor habriendo kaminda pa e afektá tur ámbito di nos bida.

Awe Hesus ta pone nos dilanti un forma mashá distinto for di manera ku nos ta kustumbrá pa siguié. E ta yama nos pa nos sinti nos mes felis, bienaventurá, pertenesiente na e Reino di shelu, no pasobra nos a kumpli ku sierto rito òf nos ta kumpli ku e “Dies mandamentunan”; E no ke pa nos pone nos seguridat den elementonan terenal manera e israelitanan den e promé lektura a hasi, sintiendo nan mes mashá sigur di nan ritualnan nan tabata manipulá Dios manera nan tabata ke i no tabata importá nan e inhustisia i violensha kontra esun mas débil, kontal nan kumpli ku nan ritualnan. Hesus ta invitá nos pa ta felis pasobra nos ta profundamente stimá pa su Tata, sea ku nos ta pober, òf pèrsiguí, sea ku nos tin hamber di hustisia òf nos tin algun sufrimentu; no ta importá nos kondishon nos ta Yunan Stimá di e Tata i nos reino ta Reino di Shelu si nos rekonosé ku nos mester di djE i habri nos kurason pa su Amor.

E tema aki di bienaventuransa ta proponé pa nos meditá riba e relashon entre nos bibamentu komo kristian i nos felisidat terenal. Hesus no ta papia di un felisidat ku únikamente ta realisabel den shelu; si nos lesa ku atenshon e promé i e último bienaventuransa nan ta bisa nos: “pasobra ta di nan TA (presente) e Reino di Shelu”. Ke men ku sea pober di Spiritu i esun ku ta ser pèrsigui pa kousa di hustisia ya for di awe ta felis. Ta p'esei nos por bisa ku komo kristian nos ta yamá pa biba den berdadero felisidat, felisidat ku únikamente un kurason ku ta konfiá den Dios por tin. Esaki no ke men nos no ta hasi nada, ni ku únikamente dirigí nos wowo na shelu i bisa ku únikamente mirando shelu nos lo ta felis. Un hende ku konfiansa den Dios ta hende ku ta pone tur su esfuerso, ku ta traha a lo máksimo, p'asina kosnan sali manera hende ta kere ku nan mester sali, pero ku ta konfia su resultadonan final na Señor. Esta difísil ta pa biba e aktitut aki di konfiansa , di pobresa di spiritu, awendia ku efisiensia di merkado a penetrá den realidatnan personal i sosial! Awe Hesus ta proklamá ku nos ta felis, bienaventurá, si nos ta dispuesto na aseptá difikultatnan di nos kondishon humano, e limitashon di nos esfuerso den nos lucha pa un hustisia i felisidat apsoluto, i huntu ku esaki tambe si nos ta dispuesto pa proklamá Reinado di Dios den nos bida; ta nos ta esnan ku ta sembra pero ta E ta sòru pa fruta pari.

Conventie tegen mensenhandel van Raad van Europa van kracht

BRUSSEL - De kerkelijke ‘Commissie voor Migranten in Europa’ (CCME) en Caritas Europa zijn tevreden dat de conventie van de Raad van Europa tegen de mensenhandel van kracht wordt. In een verklaring wijst men erop dat zij zich al sinds de goedkeuring in mei 2005 met andere christelijke en seculiere organisaties inzet voor een snelle uitvoering van de conventie. Mede door hun inzet werd die tijdens de tiende Raad van Europa, in oktober 2007, ondertekend. Daardoor werd zij op 1 februari van kracht. Torsten Moritz, coördinator van de CCME, onderstreept dat men met deze conventie over een efficiënt middel beschikt om de mensenhandel aan te pakken. Tegelijk roept hij de EU op, net als de Raad van Europa, een conventie over mensenhandel te ondertekenen en de strijd tegen die mensenhandel tot een van de prioriteiten te maken van haar handelsbeleid.

aangeleverd door Toon van Dongen