DI DOS DJADUMINGU DI KUARESMA SIKLO A

Promé Lektura : Génesis 12,1-4
Salmo : 33, 4-5, 18-19, 20-22
Di dos Lektura : 2Timoteo 1, 8-10
Evangelio : Mateo 17, 1-9


Esaki ta otro pasashi manera esun di e Bienaventuransanan, Ta yama nan “ikono” di e Evangelio, pasobra nan ta mustra nos ku figuranan simpel realidatnan profundo ku tin bia nos no por mira den un promé lektura. Asina, e pasashi aki di transfigurashon ta manera e ta pidi hopi di nos pa por imaginá Moises y Elías papiando ku Hesus, i esaki iluminá pa un lus ku ta brota for di su interior ku kasi a siega e apòstelnan.Den nos tempu ku efektonan di sine no ta masha difísil realisá tal esena,, pero kontempl’é den realidat lo tabata bastante deskonsertante pa e apòstelnan.
Enfin, laga nos trata na profundisá den e bèrdatnan mas profundo ku nos ta topa den e pasashi aki.
Laga nos tuma nota ku Hesus a kaba di anunsiá na nan su próksimo pashon, morto i resurekshon na Herusalèm, i e disipelnan no a komprondé ta dikon ela bisa nan esaki; echo ta ku Hesus a bisa Pedro: “Alehá bo di mi Satanas” pasobra e tabata ke konvensé pa e no bai Herusalèm pa muri. Transfigurashon lo ta asina, un konfirmashon na e apòstelnan di e bida divino, di e gloria di kua Hesus tabata duna testimonio. Ta e bida divino, e lus briante ku tabata Sali for di interior di Hesus, ku mester a manifestá su mes despues di su morto den su resurekshon. E bida divino aki, ta perfekto kumplimentu di loke Dios tabata ke transmití na hende pa medio di su promé Aliansa (Moises) i di e Profetanan (Elías); ta p'esei e dos personahenan aki lo ta importante den tal kontemplashon. Asina, nos lo por a bisa ku transfigurashon ta e manifestashon di e bida di grasia ku Hesus tabata hiba den su interior.
I kiko tur esaki ta bisa nos mes? E di dos lektura ta duna nos e pouta: “E don aki, Dios no a konsedé na nos pa medio di Kristu Hesus for di tur eternidat.” Kuantu biaha nos no ta biba buskando “pa gana shelu”, ora ku en realidat e bida divino aki ku tantu nos ke alkansá ya nos tini’é den nos interior? Fo’i ora nos a ser batisá, nos tur ta yu di Dios, den kende e ta komplasé su mes. ! Realmente nos ta biba manera yunan di Dios ku nos ta? Nos ta laga bida divino ku nos tin paden transfigurá nos ? Hopi di nos ta biba komosifuera e bon i e felisidat ta asina leu di nos, ku nan lo ta parse inalkansabel. Sin embargo, awe E Evangelio aki ta bisa nos, ku e bondat i felisidat aki ku nos ta buska pa alkansá nos tin nan den nos paden.
Transfigurá nos mes ta nifiká esaki: laga pa karidat vense nos renkor, ku nos fe i speransa ta vense nos miedu, ku nos generosidat ta vense nos insensibilidat i sieges p'asina por rekonosé e nesesidat di nos.próhimo. E lus aki ku a hasi e apòstelnan bira siegu nos tini’e den nos interior. tin Sigur ta ku kada un di nos konosé mihó kiko p’e ta nifiká pa ta transfigurá, kier men biba for di e bida divino aki di yunan di Dios ku for di boutismo nos a risibí gratuitamente.

Durante e kuaresma aki laga nos trata pa kombertí , transformá nos flakesa i debilidatnan. Awe Hesus ta bisa nos, unda nos por haña forsa pa logra e transformashon aki... den e bida ku E mes a “sembra” den nos interior. Proponé nos mes dos virtut ku kua ke biba e siman aki intensivamente i tin sigur ku fayonan lo disminuí poko poko riba nan mes.. Lus semper ta alehá skuridat.

Bendedónan

Dos bendedó di sapatu a ser mandá na un pais strañero:
E promé ta manda un e-mail n’e kompania bisando, -"kanselá e pedido, mi ta biniendo bèk, akinan e hendenan no ta usa sapatu".
E di dos ta manda un e-mail n’e kompania bisando,-"dobla e pedido, no tin nada di kompetensia."
"Nos tur ta biba riba e mesun planeta i bou dje mesun shelu, pero no ta nos tur sa na mira horizonte di e mesun manera.
Ora ku nos vishon ta butá den Kristu Hesus, tin propósito den e bida aki."

AANSLAG TEGEN NUNTIATUUR IN CARACAS

BRUSSEL (KerkNet/RadVat/Kipa-Apic) – In Carácas in Venezuela werd gisteren een aanslag gepleegd tegen de pauselijke nuntiatuur. Volgens Radio Vaticaan werd slechts weinig schade aangericht en was de nuntiatuur in het verleden al meermaals het doelwit van aanslagen. Volgens plaatselijke kerkleiders is de aanslag wellicht een wraakactie omdat een studente er onderdak vond, nadat zij asiel had gevraagd. In een pamflet dat vandaag in de buurt van de nuntiatuur gevonden is wordt de katholieke Kerk verweten dat zij zich kant tegen de linkse populistische president Chavez, waarmee de nationale kerkleiders in het verleden al meermaals openlijk in aanvaring kwamen.
(Kerknet)