Promé Lektura : Deuteronomio 18, 15-20
Salmo : Salmo 95, 1-2. 6-7. 8-9
Di dos Lektura : 1 Korinto 7, 32-35
Evangelio : Marko 1, 21-28
E promé lektura ta konta nos di e promesa di Dios pa manda profetanan ku lo a papia den su nòmber; esaki ta parse nos mashá normal, pero echo ta ku den e tempu ei e género aki no tabata eksistí, pues loke nan tabata hasi uso di dje pa “konosé boluntat di diosnan” tabata práktikanan di brueria, mago i miradó di destino i nan tabata stèns riba suèltu. Ta p’esei Moises a prohibí nan pa rekurí na nan pa konosé boluntat di Dios i a primintí nan di parti di Dios e género nobo aki pa relashoná nan mes ku Dios: .....profetismo. Esaki tin un gran transendensia, pues den magia, brueria i kosnan di suerte, hende tabata esnan ku tabata buska pa alkansá Dios, en kambio, den profetismo, ta Dios ta esun ku ta sali na enkuentro di hende i ta komuniká kuné.
Repasando e Evangelio, nos ta mira kon Marko ta presentá Hesus na nos komo e gran profeta sperá pa pueblo di Israel, ku ta instruí ku outoridat, “no manera e dòktòrnan di lei”, i ku su palabra ta efikas, na tal grado ku inklusive e ta ser obedesé pa demoñonan. Pero Hesus no tabata kualké profeta, pasobra E mes tabata palabra di Dios ku a bira karni, bon San Huan lo a laga nos mira esaki pa medio di su Evangelio. Ta p’esei , su palabra tabatin forsa manera nunka promé Israel a mira. Asina, Marko ta proklamá nos den e Evangelio aki ku Hesus tabata e gran profeta sperá, ku lo a trese Bon Notisia di parti di Dios pa tur hende i sabiduria i poder di su Palabra tabata asina grandi ku únikamente ta di Dios nan lo por a bini.
Awendia Dios ta sigui manda profeta ku tambe a impreshoná nos. Ningun hende por ninga e forsa ku un palabra di Mama Teresa di Calcuta tabatin, e tabata impreshonante manera palabra ku nos a skucha hopi biaha for di boka di otronan, nan tabata yega t’é den nos kurason ora nan a ser pronunsiá pa medio di dje; òf nos Papa Huan Pablo II, ku tambe ta poseé un forsa i un outoridat den su palabra pasobra nos tur ta sigur di e asistensia dibino den su siñansa i den su testimonio; i aparte di nan Dios a pone hopi otro profeta rondó di nos ku den forma mas simpel, pero no pa esaki ku ménos forsa, ta trata pa hasi presente e palabra di Dios ku ta yama nos pa biba den amor, hustisia, unidat i pas.
Pregunta pa nos ta: ... nos ta hasi kaso di e palabra di Dios ku na mil manera ta hasi su mes presente den nos bida ? Nos ta laga ku nos bida ta transformá i ta liberá pa medio di e palabra di Dios? Òf akaso demoñonan lo ta mas obediente y respetuoso di e Palabra di Dios ku nos ku ta bisa di ta su yunan? Dikon e demoñonan a sali mesora for di esun endemoniá, pero no ta parse ku nos ta kere Dios muchu ora e ta pidi nos pa nos pordoná,ora e pidi pa nos sali di nos mes pa yuda otro, pa nos buska hustisia den nogoshi òf den estudio, pa nos biba den unidat ku nos famia. Ta t’e ki dia nos lo skucha bos di Dios?
E siman aki laga nos resa huntu e salmo ku nos ta skucha awe:
“Señor laga nos no ta surdu pa bo bos”.
Salmo : Salmo 95, 1-2. 6-7. 8-9
Di dos Lektura : 1 Korinto 7, 32-35
Evangelio : Marko 1, 21-28
E promé lektura ta konta nos di e promesa di Dios pa manda profetanan ku lo a papia den su nòmber; esaki ta parse nos mashá normal, pero echo ta ku den e tempu ei e género aki no tabata eksistí, pues loke nan tabata hasi uso di dje pa “konosé boluntat di diosnan” tabata práktikanan di brueria, mago i miradó di destino i nan tabata stèns riba suèltu. Ta p’esei Moises a prohibí nan pa rekurí na nan pa konosé boluntat di Dios i a primintí nan di parti di Dios e género nobo aki pa relashoná nan mes ku Dios: .....profetismo. Esaki tin un gran transendensia, pues den magia, brueria i kosnan di suerte, hende tabata esnan ku tabata buska pa alkansá Dios, en kambio, den profetismo, ta Dios ta esun ku ta sali na enkuentro di hende i ta komuniká kuné.
Repasando e Evangelio, nos ta mira kon Marko ta presentá Hesus na nos komo e gran profeta sperá pa pueblo di Israel, ku ta instruí ku outoridat, “no manera e dòktòrnan di lei”, i ku su palabra ta efikas, na tal grado ku inklusive e ta ser obedesé pa demoñonan. Pero Hesus no tabata kualké profeta, pasobra E mes tabata palabra di Dios ku a bira karni, bon San Huan lo a laga nos mira esaki pa medio di su Evangelio. Ta p’esei , su palabra tabatin forsa manera nunka promé Israel a mira. Asina, Marko ta proklamá nos den e Evangelio aki ku Hesus tabata e gran profeta sperá, ku lo a trese Bon Notisia di parti di Dios pa tur hende i sabiduria i poder di su Palabra tabata asina grandi ku únikamente ta di Dios nan lo por a bini.
Awendia Dios ta sigui manda profeta ku tambe a impreshoná nos. Ningun hende por ninga e forsa ku un palabra di Mama Teresa di Calcuta tabatin, e tabata impreshonante manera palabra ku nos a skucha hopi biaha for di boka di otronan, nan tabata yega t’é den nos kurason ora nan a ser pronunsiá pa medio di dje; òf nos Papa Huan Pablo II, ku tambe ta poseé un forsa i un outoridat den su palabra pasobra nos tur ta sigur di e asistensia dibino den su siñansa i den su testimonio; i aparte di nan Dios a pone hopi otro profeta rondó di nos ku den forma mas simpel, pero no pa esaki ku ménos forsa, ta trata pa hasi presente e palabra di Dios ku ta yama nos pa biba den amor, hustisia, unidat i pas.
Pregunta pa nos ta: ... nos ta hasi kaso di e palabra di Dios ku na mil manera ta hasi su mes presente den nos bida ? Nos ta laga ku nos bida ta transformá i ta liberá pa medio di e palabra di Dios? Òf akaso demoñonan lo ta mas obediente y respetuoso di e Palabra di Dios ku nos ku ta bisa di ta su yunan? Dikon e demoñonan a sali mesora for di esun endemoniá, pero no ta parse ku nos ta kere Dios muchu ora e ta pidi nos pa nos pordoná,ora e pidi pa nos sali di nos mes pa yuda otro, pa nos buska hustisia den nogoshi òf den estudio, pa nos biba den unidat ku nos famia. Ta t’e ki dia nos lo skucha bos di Dios?
E siman aki laga nos resa huntu e salmo ku nos ta skucha awe:
“Señor laga nos no ta surdu pa bo bos”.
