DI TRINTIUN DJADUMINGU SIKLO C

Promé Lektura : Sabiduria 11, 22-12, 2
Salmo : Salmo 145, 1-2. 8-11. 13cd-14
Di dos Lektura : 2Tesalónika 1, 11-2, 2
Evangelio : Lukas 19, 1-10


E enkuentro aki entre Hesus, Yu di Dios, i Zakeo, hòmber hudiu ku nan tabata konsiderá un pekadó pa motibu di su trabou komo kobradó di impuesto pa Roma, ta manera un ikono di e dinámika di salbashon ku Hesus a bin anunsiá. Un ikono parse un pintura, pero e ta muchu mas ku esei, e ta un orashon, un eksperensha, un palabra di salbashon. Asina, e enkuentro entre Hesus i un pekadó ta mas ku un anékdota di Hesus. Den dje nos ta deskubrí Dios ku ta sali na enkuentro di e hende ku ta pèrdí. Manera e wardadó ku ta rekohé e karné pèrdí ku goso, Hesus no ta pone kondishon pa hiba salbashon di Dios na kas di Zakeo. E ke keda serka dje, biba ku e pekadó i hiba presensia di Dios t’e den intimidat di su kas. Esaki ta duna nos un idea di e gratitut i universalidat di e “oferta di salbashon” ku Dios ta hasi na nos. Den mesun esena nos ta mira aseptashon di salbashon di parti di e pekadó. Zakeo ta renunsia fuente di su piká, e ta legumai su aktonan di inhustisia e ta kambia su kurason. Si promé e tabatin su kurason dirigí riba plaka, awor lo e tini’é riba su próhimo, pasobra el a eksperensia e amor inkondishonal i mizèrikòrdioso di Dios. E ora ei, nos por bisa ku e ikono aki ta transmití pa nos e gratitut di e amor di Dios i e nesesidat di kombershon di hende pa por biba e amor aki otorgá pa Dios.

Ta doloroso mira kon tantu kristian ta kana tristu den bida, sin speransa, pasobra nan ta kere ku Dios a bandoná nan. Talbes pasobra nan a kometé hopi piká, òf pasobra nan a biba momentunan difísil, nan ta pensa ku ya nan no ta “digno” di e amor di Dios. Sin embargo, despues di lesa e Evangelio aki nos por puntra nos mes: Ken ta pafó di e amor di Dios? E Evangelio ta bisa no ku ta ningun hende. Nos tur ta stimá pa Dios!

E djadumingu aki Hesus ta bisa nos: “awe mi ta bai biba den bo kas”. Asin’aki manera bo ta, sin kondishon, Hesus ke drenta t’e den intimidat di bo bida. Gratuitamente e ke yenabo ku su presensha i ku su amor. Pero, Kon Señor lo haña bo kas, òf kon e lo a haña bo bida, bo trabou?

Talbes abo tin ku kontesta manera Zakeo i renunsia e loke no ta laga bo gosa di e presensia di Hesus. Transformá bo aktitut na kas: skucha ku pasenshi, prekupá pa bo pareha den forma personal, pordoná bo mayor- òf bo yunan, pordoná bo mes, bira kara pa mira e otro. E otro ku mester di bo tempu, di bo espasio, di bo amistat òf di bo amor. Transformá tambe bo aktitut na trabou òf den bo bida personal: pone mentira un banda, korupshon, egoismo, inhustisia i envidia.

Salbashon ta sin kosto finansiero. Nos ta risibié ora nos eksperensiá di ta stimá inkondishonalmente pa Dios; pero pa por gosa di dje nos mester pone nos mes interiormente disponibel lagando un banda tur loke ta alehá nos di e ruman i di kreashon di Dios.

Laga e siman aki nos aseptá ku goso bishita di Hesus den nos bida. Laga nos dialogá kuné hinter siman. Talbes su presensia ta iluminá nos pa sa kiko ta e loke nos tin ku transformá den nos bida pa biba su amor ku mas plenitut, pero riba tur kos, laga nos siña kon gosa di su presensia den nos kas. For di e goso aki nos kombershon lo brota.

’Onvermoeibare apostel van de liefde’: Pastoor van de prostituees’ overleden

ROME (RKnieuws.net) ‑ De bekende Italiaanse priester Oreste Benzi, bijgenaamd ’de pastoor van de prostituees’ vanwege zijn hevige strijd tegen seksuele uitbuiting, is in de leeftijd van 82 jaar bezweken aan de gevolgen van een hartaanval.
Romano Prodi, leider van de Italiaanse regering, en andere vooraanstaande Italiaanse politici hebben hulde gebracht aan de overleden priester die in Rimini aan de Adriatische kust de Johannes XXIII‑gemeenschap oprichtte om vrouwen en minderjarigen bij te staan die gedwongen worden om zich te prostitueren. Met de hulp van zijn gemeenschap richtte Benzi tweehonderd opvangtehuizen en meer dan dertig afkickcentra op.
Paus Benedictus XVI liet weten dat Oreste Benzie ’ernstige sociale problemen’ heeft opgevangen. De Vaticaanse staatssecretaris Tarcisio Bertone bestempelde Benzi als een ’onvermoeibare apostel van de liefde’.
Benzi haalde vaak de media met stoutmoedige uitspraken en initiatieven, onder meer in 2002 toen hij met vijfhonderd prostituees naar de algemene audiëntie van paus Johannes Paulus II in het Vaticaan trok om de aandacht te vestigen op de schrijnende gevolgen van de mensenhandel.

aangeleverd door Toon van Dongen