SAN PEDRO I SAN PABLO

Pedro i Pablo fundeshi di nos Iglesia. Nan dos ta hòmbernan ku pasado no presisamente briante.

PEDRO/TRAIDOR: Pedro ta un skohí di Hesus for di promé momentu. E ta biba ku Señor e susesonan mas importante di su bida, tur esnan ku tabata reservá pa djis algun . Fervoroso i temperamental e no tin inkonveniente pa sigurá Hesus ku e ta kapas na muri p’E i ku e lo siguiE fielmente riba e kaminda di doló i ta renunsiá ku Señor tabata splikando i ku Pedro, na promé momentu, a rechasá ku tur energia di su temperamentu. Pero nos tur sa ku Pedro a faya den tur aspekto. Insinuashon di un muhé na momentu di peliger tabata sufisiente pa e ninga rotundamente di konosé e Maestro. No ta pa skandalisá. Nos tur tin mas ku sufisiente motibu pa komprond’é i diskulp’é. Señor a komprondé i a diskulp’é. El a sigui topa kuné despues di su resurekshon, dunand’é, manera semper, un "trato spesial i, manera nos ta lesa den e evangelio, e tabata ke lag'é ku kuido di su hendenan yegá, sin nunka kòrd’é riba su teribel fayo. Pa Pedro no tabatin, di parti di Hesus, represhon sino pordon. E no a tira Pedro su pasado na su kara sino El a pone su futuro su dilanti, un futuro durante kua Pedro, efektivamente, lo tabata kapas pa sigui, stap pa stap, marka di pia di su Maestro. I a keda kla ku lo úniko ku Hesus a eksigí di Pedro ta, pa e tabata su fiel imáhen riba tera, esun ku lo a stimE. Si tin algu kla di parti di Kristu ta e deseo di fundamentá kristiannan den e amor, den e amor pa su Persona i, komo konsekuensia lógiko, den amor pa tur hende.

PABLO
Pablo tambe ta un hòmber ku antesedente tristu. Fanátiko di Lei, dògmátiko, duru i intransigente, el a karakterisá su mes pa medio di persekushon di e promé kristiannan keriendo ku firmesa ku di tal forma e tabata hasi bon sirbishi na Dios, naturalmente na "su" Dios. Tabata falta pa su wowonan ku tabata mira asina kla bira skur, p'asina un lus nobo sende den su interior pa a kibra kompletamente ku e estilo ku tabata asina kontrali na esun di Señor kende, for di e ora ei, e lo a bai na sirbi ku un dedikashon eksklusivo i rechasando sobrá kos. Tambe pa Pablo lo ta amor di Kristu ta loke ku lo pone base pa su bida ya pa semper orientá na un solo meta.
Esaki ta e "piedranan" fundamental di nos Iglesia. Piedranan ku tin nan sker,ku nan parti destruí pasobra e úniko Piedra fundamental, esun ku e konstruktornan no a mishi kuné , ta Kristu i únikamente den djE no tin sker, ni rasgu ni nada robes. Den tur otro, sea ku ta mas o ménos ariba òf abou, ku nan ta mas o ménos importante òf komun, ta posibel e sker, manera e tabata posibel den Pedro, ku a biba asina serka di Kristu i den Pablo ku tabata un estupendo kumplidó di Lei, un religioso di kabes t’e pia.. Esaki ta un realidat konfortante i ku ademas tabatin den Iglesia un demostrashon konstante atraves di siglonan.
Ta sierto ku Iglesia ta santu, pero e no ta ménos ku nos tur ta manera nos ta Iglesia, , kual sea lugá ku den dje nos ta okupá. Ninga lo ta bobedat, rekonos’é ta akto di sinseridat i di kurashi ku ningun hende mester skandalisá. Ta sierto ku iglesia ta laga mundu konosé Dios, pero tambe t’asina ku e ta lag'é konosé hasiendo su kara skur; ta bèrdat ku Iglesia ta laga nos aserká Dios i tambe t’asina ku, tin bia, e ta aleh’é di nos. Ta Kristu so Kristu no tin ploi ni marka, Ta E so ta presentá e berdadero i outéntiko kara di Dios sin ningun defisiensia.. Tur sobrá kos nos ta siña kisas ku nos mihó boluntat pero ku nos karga di kosnan chikitu i debilidatnan.
Awe ta dia pa pidi ku sinseridat pa Iglesia, di sinti nos mes identifiká kuné, di gradisié pa tantu kon el a duna i pa sinseramente deseá ku e ta bai perfekshonando konstantemente difikultat ku por tin i ku ta stroba hende di kontra ku Dios den djE. Ta dia pa saminá nos mes, komo komponente di tal Iglesia i pa mira si e fundamentu di nos pertenensia n’e , ta riba tur kos, loke Kristu a eksigí di Pedro: e amor na djE. Únikamente si nos por kontestá, ounke sea di e kos di mas chikí paden di nos, ku e mesun sinseridat ku kua Pedro a hasié ku, si di bèrdat nos stima Kristu, nos lo por ta piedranan útil di e edifisio di Iglesia ku, apesar di nos mes, nunka lo basha abou i ku ta apsolutamente nesesario pa mundu si di bèrdat e ta kumpli ku e mishon enkomendá n’e, hiba hendenan na e Reino, hasiendo ku e Reino ei sea ya un realidat , aki i awor. Awe ta dia di penetrá den konosementu di Iglesia, di aksept’é manera e ta ku tur su grandesa i su posibel zonanan di sombra ku ta laga resplandesé ainda mas e lus di Kristu kende ta esun ku definitivamente ta sosten’é durante kualke temblor.
Pedro i Pablo ta dos kristian den kua nos mester mira nos mes ku frekuensia. Tur dos tabatin nan frakasonan personal i tur dos a sigui Kristu asina fiel ku nan a hasié visibel den mundu aserkando E na tur esnan ku tabata yega serka. Esaki ta konta i loke ta hasi nan grandi den wowo di Dios i tambe, sigur den esun di hende i klaro tambe pa tur ku manera nan, nos ta pretendé di sigui TA Iglesia, e Iglesia ku nan a konstruí ku nan propio sanger.