Fiesta di Kristu Rei di Universo

Promé Lektura : 2 Samuel 5, 1-3
Salmo : Salmo 122, 1-9
Di dos Lektura : Kolosonan 1, 12-20
Evangelio : Lukas 23, 35-43


Ki forma mas patétiko di e evangelista Lukas pa presentá entrada di e reinado di Hesus! Tur hende ta burla di dje: outoridatnan polítiko i religioso, sòldánan, i asta un ladron. Lukas ta hiba un tema ku ela bin ta desaroyá durante hinter su evangelio na ekstremo : e rechaso di Hesus. E pokonan ku a asept’é na un prinsipio únikamente ta mira, huntu ku tur e pueblo, loke ta sosodé, babuká pa tal esena. Ken a spièrta e presentimentu di ku e Mesias a yega, e rei, awor derotá, humiá, bandoná i kologá na un palu, kompartiendo e morto mas humíante i doloroso ku tabata eksistí huntu ku dos ladron.

Unda e reino di Hesus ta? Di ki su proposishon ta konsistí ? Pa esaki lo mi ke rekordá algun palabra ku Hesus ta dirigí na su disipelnan durante último sena den evangelio di Lukas: “Hefe di nashonnan ta ehersé nan dominio riba nan i esnan ku tin outoridat ta risibí nòmber di benefaktor. Pero boso no ta prosedé di tal manera. Entre boso, esun di mas importante lo ta manera esun menor, i esun ku ta manda manera esun ku ta sirbi… Ami ta entre boso manera esun ku ta sirbi”. Mi ta kere ku esaki lo por yuda nos komprondé su kondishon di rei. Viktoria di Hesus riba krus no ta konsistí den vense militarmente òf imponé religiosamente su ideanan, pasobra esaki únikamente lo provoká otro struktura di poder alterno. Hesus ta vense asumiendo den forma radikal su mensahe i aseptando t’e na su morto e konsekuenshanan ku esaki lo bin kuné. Ela anunsiá yegada di e Reino, i a pasa sirbiendo esnan den mas nesesidat i konfrontando outoridatnan pa motibu di nan falta di rektitut. pero E no por a “fòrsa òf obligá” demas hende pa nan lo por a aseptá e Reino , pero si e lo por a asumí konsekuensha di e anunsio aki, lo kual lo a nifiká su morto.

Hesus ta renunsiá pa reina pa medio di e poder, manera semper tantu hudiu- komo romanonan a hasi, maske ku esaki lo por a nifiká e aparente frakaso di su anunsio; pero ta aki kaminda e Tata ta intervení den historia di hende; resusitando Hesus e ta proklam’é komo e berdadero vensedó. Ke men, e proposishon di Hesus pa reina saliendo for di libertat, for di rèspèt, for di servisio, ta koroná pa e Tata atraves di Resurekshon. Esaki ta e reinado di Hesus, un reinado ku ta konstruí ku kurashi, ku entrega, ku determinashon, pero ku ta renunsiá di ta imponé na otro pa medio di e poder , sea ku ta esun religioso, kultural, polítiko òf militar. E reino di Hesus ta e ofresementu dibino pa biba den libertat i responsabilidat, respondiendo na anhelonan di mas profundo ku hende ta poseé: e unidat personal, komunitario i divino; i hañá den e proseso aki Dios Den Tres Persona ku ta impulsor i modelo di tal unidat.

Kuantu bia komo iglesia nos tabata ke “imponé” nos mensahe komo “e berdadero i úniko”, saliendo di strukturanan di poder (moral, polítiko, kultural, militar!)? Ta esaki lo ta loke ta mas serka di e mensahe di Hesus? Nos proklamashon di Hesus komo nos rei, mester hiba nos na rèspèt pa otro, na toleransia, na unidat den diferensha, aseptando desishon di e otro tal manera Hesus a hasi, maske esaki ta hiba nos na e krus, òf na un aparente frakaso.

Ken ta nos reinan den aktualidat? Efisiensia, demokrasia, stabilidat ekonómiko, teknologia? Ningun di e realidatnan aki ta malu, al kontrali nan por hasi hopi bon, pero ora ku ke imponé esakinan riba otro, òf na riba hinter pueblo pa medio di poder o di preshon, nan ta trapa derechinan mas elemental di hende ku ta derechi di libertat i di outodeterminashon. Kua otro rei nos tin awe? Plaser, loke ta fásil, posishon ekonómiko, aparensha dilanti di otro, trabou? Ta ken nos ta sigui ? Na unda nos ta posishoná nos eskala di balornan? Hesus ke ta nos rei, pero no bou di menasa di nos kondena, òf di nos infelisidat, sino ku E ta trata pa reina den nos ora nos aseptá di biba for di amor, for di rèspèt, for di libertat asumí i komprometí. E ora ei nos lo por bisa ku nos a ser salbá pa medio di Hesus, meskos ku Hesus a salba e ladron ku a tribi pa no uni su mes na krítikanan generalisá kontra di Hesus i a asept’é komo rei i salbador.

Laga e siman aki nos buska pa kuestioná nos eskala di balornan i revisá si realmente e ta brota for di e Evangelio di Hesus. Si realmente libertat, amor, servisio, kompromiso ku nos outentisidat, responsabilidat, rèspèt i aseptashon di e otro ta komo fundeshi di nos proyekto di bida. Ta únikamente for di e intento pa biba esaki nos lo por proklamá Hesus komo nos Rei.

Paus tot kardinalen: oecumene een opdracht

ROME (KN) - De oecumene is voor de katholieke Kerk geen optie, maar een opdracht. Dat heeft paus Benedictus XVI gezegd tot de kardnalen die in Rome bijeenkwamen bij gelegenheid van de creatie van 23 nieuwe kardinalen.

Kardinaal Walter Kasper, voorzitter van de Pauselijke Raad voor de Eenheid van de Christenen praatte de kardinalen bij over de actuele situatie van de dialoog die de katholieke kerk voert op verschillende fronten. Aan bod kwamen de dialoog met de Oosterse en Orthodoxe kerken en die met de kerkelijke gemeenschappen van na de Reformatie. Ook sprak Kasper over de vorderingen en problemen in het contact met de charismatische‑ en pinksterbewegingen.
In de uitwisseling volgend op de inleiding van Kasper, brachten zeventien kardinalen hun ervaringen en standpunten ter sprake. Daarin kwam de katholieke sociale leer naar voren als één van grote kansen voor de voortgang van de oecumene, meldt het Vaticaan in een communiqué. Ook onderstreepten de sprekers het belang om in de communicatie de gevoeligheid van andere christenen niet nodeloos te kwetsen. De kardinalen stonden verder kort stil bij de dialoog met het jodendom en de interreligieuze dialoog.

aangeleverd door Toon van Dongen

Hasi Orashon

Si awe bo ta tristu, pèrdí, ku miedu, sin solushon... Hasi un orashon!
Si bo ta malu, sin smak, sin speransa den kurason… Hasi un orashon!
Dios ta skucha bo!
E liña semper ta liber, ni mester di konekshon... E yamada ta grátis, ni mester di suskripshon.
Basta ku bo habri, ku bo habri bo kurason. E semper ta presente i semper ta ekstendé Su man.
Pero... Ora bo tabata kontentu, sin por konta bo oranan di alegria, keda un poko den silensio i... hasi un orashon!
Aki mi ta laga un bèrdat: Esun ku meresé skucha bo lamentashonnan, tambe meresé skucha bo oranan di felisidat.

Leticia Thompson