Amor

Awe nos ta papia hopi di amor; no semper di e berdadero amor. Mundu únikamente lo keda salbá ku amor i no ku odio.Pero, esaki si, nos tin ku stima tur hende sin eksepshon; maske nos propio enemigunan, manera Kristu ta pidi nos den Evangelio.Mesun kos den bon i malu; e persona ku ta nos ta haña simpátiko i esun antipátiko, esun ku hasi kos bon pa nos i esun ku ta pèrsigui nos.Tin ku stima tur hende sin eksepshon.Nan a estrená hopi método pa areglá mundu, i mundu ta sigui desareglá; lo no ta pasobra no a purba e método di amor? Famia, personanan, nan lo no sinti nan mes mas felis si amor lo reina den nan, na lugá di inkomprenshon?Ta un bom so tin ku ora e bula, e no ta destruí sino konstruí: e ta e bòm di amor.