Kiko ta Misa?

Santa Misa t’e selebrashon denter di lokual tin e sakramentu di Eukaristia. Su orígen ta bini for di e promé tempunan di Iglesia, den kua e apòstelnan i otro promé disipelnan a reuní riba e promé dia di siman, rekordando Resurekshon di Kristu, pa studia Skrituranan i kompartí e pan di Eukaristia. Nos ta reuní den Misa pa selebrá rekordando i bibando e Último Sena i e sakrifisio di Hesus riba krus. Nos mester skucha ku atenshon loke Dios ke bisa nos kada djadumingu den Misa. Den esaki nos por partisipá den Hesukristu di e siguiente manera: nos por ofresé Dios nos bida, nos obranan, pidi pordon pa nos pikánan i uni nos mes na Hesus pa medio di Komunion. Den Misa ta bai sosedé un milager: Dios ta bai hasi su mes presente i E ta bai na keda ku nos. Nòmber di “Misa” ta bini di ora ta bai terminá e selebrashon, e saserdote ta bisa nos pa nos bai pa kumpli ku e “mishon” di ser testigu di Kristu dilanti hendenan. Kon nos mester biba Misa? Den Misa nos mester:

• pone atenshon durante e lekturanan i predikashi;
• deboshon i adorashon durante konsagrashon;
• i disposishon pa kumpli ku e boluntat di Dios durante Ofrenda i Komunion.

Kua postura nos mester tin den Misa? Den Misa nos tin tres postura diferente: sintá, pará y na rudia.

1. Ora nos ta sintá nos ta den un aktitut di skucha ku atenshon, manera e amigunan di Kristu tabata.
2. Ora nos ta pará nos ta den aktitut di ta kla i disponibel p’e yamada di Dios.
3. Ora nos ta na rudia nos ta den aktitut di adorashon na nos Dios i Salbador.

Ora nos ta biba e Misa korektamente nos lo haña vários fruta: Nos ta komprendé palabra di Dios, nos ta krese den nos fe pa rekonosé Hesus, nos te yena nos mes di alegria i pas interior; nos tin Hesus presente den nos alma i forsanan nesesario pa kumpli ,ku nos mishon. Misa ta una sita ku e persona ku mas mi stima i esun ku mas stima mi.