Esfuerso

Sin lugá na duda nos tur ta deseá di ta mihó di loke nos ta; inkluso nos lo a hasi algun esfuerso pa ser asina.
Pero e esfuersonan aki no tabata sufisiente i ta p'esei nos no a logra. Nos no mester deskurashá nos mes; hamas nos por pone e di dos piedra si nos no a pone esun promé; nos no por subi e di dos parti di trapi si promé nos no pisa esun promé; nos lo no yega ariba si promé nos no kuminsá na subi dor di bahada.
Esfuerso di awe lo hasi posibel e subimentu di mañan; e no ta eksigí di nos e subimentu di mañan, pero sí e esfuerso di awe. E esfuerso di mañan, no ta posibel awe; pero e paso di awe, si; i, den konsekuensia, nos ta obligá na hasié.
Nos no por keha mañan si awe nos ta fundamentá su frakaso.
Si awe nos no muri den nos mes, nos no por keha di ku mañan nos no tin bida “nobo”; nos lo sigui ku e mesun bida di ayera, e bida bieu i kaduká òf esun nobo di e grasia di Dios?