Habri portanan

Portanan ta parse di ta bunita ora nan ta habrí ku ora nos ta mira nan será. Ku bo kurason sea un porta hanchu habrí pa tur hende; no ser’é pa ningun hende. Kisas un hende a kaba di manda un piedra riba bo: e piedra di un kalumnia, di un despresio... ora bo primi su man, si bo hasié ku sinseridat i ku amor, lo bo ta habriendo bo porta, e porta ei ku e inkonsientemente tabata ke a tir’é ku piedra. Ora bo hari di bèrdat i no fingi na esun ku a papia malu di bo, na lugá di venga, bo ta habriendo bo porta p'asina esun ku no tabata na sa di ser hustu ni karikativo, por pasa dor di dje. I di e forma aki lo bo hasi ku, kuminsando dor di abo, nos tur ta bai siendo un poko mihó , nos tur lo habri e portanan di nos kurason, i ora ku hendenan no ta skonde falsedat ni hipokresia den nan kurason, e ora ei i únikamente e ora ei, mundu lo sinti su mes mihó.