Minütnan di bo bida

Nunka bo a saka e kuenta di e minütnan ku bo a biba? E ta kurioso; sake anto lo bo konstatá ku nan ta miónes.
I nunka bo no a pensa ku di tur e miónes di minütnan aki bo tin ku duna kuenta n’e Kreador, ku a duna bo bida p'abo por lag'é duna fruta?
Kada un di e minütnan aki ya a ser balorá i huzgá dor di Dios segun peso di amor den kua bo a pone, i e rektitut di e intenshon ku bo tabatin.
Tremendo problema di bo si e minütnan aki a pasa bai sin ku bo por a pone e marka i distintivo di amor den nan. Pa eternidat únikamente e minütnan ku tin marka di Dios tin balor p’abo; e otronan lo a hundi den bashí i den un bashí no ta posibel fundamentá ningun porvenir.
Matemátika no ta sirbi ora ta trata dje intensidat ku nos mester pone den nos aktonan: intensidat di amor; pero sí nan ta útil ora ta kuestion di numerá aktonan ku nos mester hasi produktivo den nos bida.