Papia of keda ketu

Sa na keda ketu ora tin ku keda ketu ta tur un sabiduria; pero sa na papia ora tin ku papia no ta ménos sabiduria. Papia ora ta kumbiniente keda ketu ta kondena bo mes na frakaso; e ta un manera pa pèrdè kos òf kisas hasié pió. Keda ketu ora ta prudente papia ta señal di kobardia; e ta no kumpli ku deber. Silensio lo ta benefisioso ora ta mas prudente keda ketu; lo e ta dañino ora surgi e obligashon di papia. E palabra lo ta útil i produktivo ora e sali di un generoso deseo pa yuda e ruman; lo e ta kontraprodusente ora e ta bai lorá den sentimentunan egoista i den deseonan di humiashon pa otronan. Silensio i palabra, keda ketu i papia... lo mester bai ku nan moderando i aplikando ku prudensia, ku e prudensia aki ku lo kombertié di bisio den virtut.