Traha tempu

Na hopi okashon nos tin miedu,
miedu di loke talbes nos no por hasi,
miedu di loke hende lo pensa si nos trata.
Laga nos permití ku nos miedu
ta drenta den nos soño.

Nos ta bisa No, ora ku nos ke bisa Sí.
Nos ta murmurá ora nos ke grita,
i despues nos ta grita esun
ku nos no mester a grita. Di kon?
Despues di tur kos, laga nos krusa
dor dje bida aki di un biaha;
No tin tempu pa nos tin miedu,
asina ku...

Purba loke ku nunka bo a purba,
riska
papia en kontra di loke bo no ta gusta,
yam’é i bis’é kuantu bo stim’é.
Partisipá na Máratòn, skirbi e karta ei,
bishitá pueblonan ku bo no konosé.
Enfrentá bo mes komo ganador di kosnan di tur dia,
nada ku pèrdè i tur, pa gana.

Mi ta deseá bo hopi bendishon di Dios
i hopi éksito den bo bida;
mi ta spera ku semper lo bo trata na biba
n’e máksimo tur loke bo ta hasi,
i bo ta hasié ku smak.

Traha tempu pa traha,
ku ta preis dje éksito.
Traha tempu pa pensa,
ku ta fuente di un bon desishon.
Traha tempu pa disfrutá ku bo sernan kerí,
ta fuente di felisidat.
Traha tempu pa stima,
ta e eksistensia di bida.

Traha tempu pa soña,
di dje e alma ta serka dje streanan.
Traha tempu pa hari,
asina e karganan ta mas lihé.

Traha tempu pa plania,
pasobra plania ta e sekretu
pa por tin tempu di tur lo anterior.
Traha tempu pa buska Dios,
pasobra E ta e Tur kos di hende.