E aña aki ta bai terminando

E aña aki ta bai terminando. Ta manera tur kos ta pasa...En realidat, no ta un aña ménos, sino un aña mas; un aña mas di kua nos tin ku duna kuenta; un aña mas ku nos mester añadí na nos responsabilidat. E aña aki no a pasa; ela keda den kada un dje akshonnan ku nos realisá den dje; bon òf malu, nan a laga den nos un marka ku bo no por kita. Kisas nos ta sinti e tentashon pa katalogá e aña aki komo bon òf malu pa nos, segun a bai ku negoshi; pero no ta esaki ta e balor supremo. Lo e tabata un bon aña si den dje nos a mehorá nos bida, si nos a perfekshoná, si nos a kultivá spiritualmente, si nos a biba ku amor i pa amor di Dios i di e rumannan. Lo no tabata malu si nos para un ratu ketu promé ku aña kaba pa hasi un balanse di nos konsiensia i dilanti di Dios.