Libertat

Libertat, manera baña, ta algu ku mester praktiká tur dia.
Nada ta keda fiho. Kambio ta lei di bida.
Kisas algun biaha nos ta sinti ku nos viktorianan personal mester ser gana kada biaha tras di otro. Pero si nos lo mir'é for di otro punto di bista, nos ta asina en apsoluto; nos viktorianan sólido personal ta esnan ku nada ni ningun hende por kita for di nos.
Dicho viktorianan ta hèrmèntnan di nos kresementu kontinuo. Trabou, relashonnan i kas por kambia, pero serenidat i libertat di spiritu ta entre e kosnan ku boluntat nos por logra, konservá òf laga.
Libertat ta impliká disidí loke nos ta hasi ku nos kurpa, ku nos sèn i ku nos bida. Si nos renunsiá n’e desishon aki, un otro hende ta tum’é pa nos. Si nos no usa òf reklamá nos libertat, nos ta renunsiá di dje. Nos bida ta eksigí nos partisipashon aktivo i kreativo den kada momentu.