Nos tur por a tuma nota di e impakto positivo di e preparashon pa nos Aña di Hubileo i nos determinashon pa yega na un Mishon 2008 -2011. Hopi inisiativa a start mas organisá i esaki ta trese kuné e nesesidat di informá otro pa asina nos tur keda na altura di aktividatnan importante den nos Diósesis.
Pa medio di e karta di informashon aki mi ke trese algun notisia serka boso, i esaki ta duna mi e oportunidat di yama tambe un i tur danki: klero, religioso i laikonan, pa e kontribushon asina balioso pa bienestar i progreso di nos Diósesis.
1 Aña di Hubileo
Nos Hubileo di Oro ta den su di ocho luna i nos por wak bek riba aktividatnan hopi positivo ku kulminashon bunita, manera nos enkuentro diosesano di tur nos saserdotenan den òktober di 2007; un aktividat importante di informashon riba e dokumentu di Aparecida ku a tuma lugá riba tur isla; nos Misa di Apertura (Fiesta di Kristu Rei 2007), nos Misa Krismal ku Hubileo di Saserdotenan: e selebrashon di e fecha di 50 aña, 28 di aprel, na Kòrsou i tambe riba e otro islanan.
Awor nos tin nos dilanti:
a. Pre-konferenshanan;
b. Simposio riba Doktrina sosial di Iglesia
c. Konferensha Diosesano ku Mishon 2008 – 2011
d. Klousura di nos Aña di Hubileo i alabes re-apertura di nos Katedral i komienso di Mishon 2008 – 2011.
e. Eksposishon Diosesano (dokumentu- potrètnan- ophetonan históriko).
2. Klousura di nos Aña di Hubileo.
Ya ku e restourashon di nos Katedral a tuma mas tantu tempu ku loke a keda planifiká, nos ta kere ku ta mihó kombiná su re-apertura (wak punto 14) ku Klousura di nos Aña di Hubileo (23 di novèmber 2008). Lo tin solushonnan práktiko pa hasi e kantidat di hende ku por partisipá, mas grandi posibel.
3. Pre-konferenshanan i Konferensha Diosesano Mishon 2008-2011
Pa prepará nos Konferensha Diosesano ku ta kuminsá dia 16 di òktober i kaba dia 18 di òktober, nos ta tene pre-konferensha riba kada isla.
Saba ta esun promé ku ta start dia 18 di ougùstùs.
5. Resultado di enkuesta i entrevistanan ku aporte di tur parokia i promotornan di aña di hubileo. Nos a haña un resultado hopi positivo kaminda nos a logra di alkansá i superá e kantidat nesesario. Na e komishon di enkuesta nos danki pa nan trabou, pero tambe na boso tur ku di un òf otro manera a kontribuí na éksito di nos enkuesta.
6. Hubileo di Parokianan: fiesta patronal di Parokia den kada isla te na fin di nos Aña di Hubileo.
20 di ougùstùs San Bernardo Kralendijk - Boneiru
23 di ougùstùs Santa Rosa St. Rosa - Kòrsou
11 di sèptèmber Bírgen di Coromoto Antriol – Boneiru; Charo - Kòrsou
1 di òktober Santa Teresita Wishi – Kòrsou; San Nicolas - Aruba
4 di òktober San Fransisko di Asis Oranjestad – Aruba; Fuik – Kòrsou
7 di òktober Reina di Santísimo Rosario Katedral Pietermaai - Kòrsou.
9 di òktober San Luis Beltran Rincon - Boneiru
13 òktober Birgen di Fatima Dakota - Aruba
28 di òktober San Hudas Tadeo Zuid Bonam - Kòrsou.
3 di novèmber San Martin de Porres Seru Fortuna - Kòrsou
7 di novèmber San Willibrordo San Willibrordo - Kòrsou
11 di novèmber San Martin de Tours Phillipsburg - St. Maarten
23 di novèmber Kristu Rei Brasil - Aruba
Ta rekomendabel pa stimulá nos parokianonan pa e delegashon bai fiesta di otro parokia spesialmente den nos Aña di Hubileo.
7. Youth Rally
Maske e kantidat di hóbennan tabata limitá (mas òf ménos 80), nos tin ku bisa ku e kalidat di e enkuentro tabata hopi altu ku un resultado masha positivo pa e hóbennan ku a partisipá. E desafio grandi ta keda awor pa e hóbennan mes huntu ku e gruponan hubenil i parokia pa mantené e kandela di Spiritu Santu bibu. Mayoria di nan ta lidernan den nan grupo hubenil, ku kier animá otro hóbennan den nan parokia i gruponan. Na ora di despedida di e Youth Rally, nan a manda un mensahe pa tur otro hóben i adulto di nos Diósesis. Laga nos kompaña nan. Masha Pabien!
Huntu ku IKD di Kòrsou i e hóbennan, nos ta preparando algun orientashon riba preparashon pa apertura di aña eskolar 2008 – 2009) pa medio di un Kampana ku ke promové balornan positivo durante henter aña pa asina kontrarestá na un manera positivo e parti negativo (kriminalidat, violensia verbal i físiko, falta di komunikashon i di rèspèt) ku ta asotando nos komunidat spesialmente na skol i den famia.
zondag 17 augustus 2008
Informashon di Obispado di Willemstad (promé parti)
DI BINTI DJADUMINGU SIKLO A
Promé Lektura : Isaias 1, 6-7
Salmo : Salmo 67, 2-3. 5-6
Di dos Lektura : Romanonan 11, 13-15. 29-32
Evangelio : Mateo 15, 21-28
Hesus ta sali di e teritorio hudiu i ta bai na e teritorio di Fenicia, i ei a sosodé algu ku lo a trese kambio den hinter e relashon entre Dios i hende.
E protagonista e biaha aki ta un muhé gentil: e tabata di fenicia (ta yama gentil e persona ku no ta di rasa hudiu). E motibu pa aserká Hesus no ta pa nada otro sino pa pidiE, pa suplikE, pa E kura su yu muhé gravemente malu na kama.
Pa por komprondé e Evangelio aki ku profundidat ta sufisiente bisa ku hudiunan di e tempu ei tabata kere ku únikamente nan, esnan di rasa hudiu, lo a keda salbá. Dios a bini pa nan i tur sobra, esnan gentil, lo tabata di rasa inferior ku lo no a haña salbashon ni konsuelo divino.
Hesus, un biaha mas, ta bini pa kibra skemanan ku tabata reina ofresiendo sanashon i salbashon na tur esnan, hudiu òf gentil, ku ta akseptá e obra ku Dios ta hasi den su bida. Por ta ku nos mentalidat di awendia no ta kapta ampliamente tur loke e tabata nifiká, na tal momentu, e kiebro ku komportashon di Señor a trese den tal situashon.
E Evangelio ta kuminsá ku un komparashon un poko konfuso, e ta kompará e muhé ku un kachó. Entre semitanan un di e pió insultonan ta di yama hende kachó.
Tabata desgrasia di un miembro di famia ku a hiba e muhé aki na e enkuentro ku Kristu. Na promé momentu Señor ta hasi manera e ta surdu frente di e muhé aki i no ta kontest’é ni un p’ié palabra. Silensio di Hesus ta dilanti gritunan di e muhé ta konfundiente.
¿Kuantu biaha den bo bida kasi gritando bo a roga na Señor i bo tabata haña impreshon ku Dios ta keda ketu…? Silensio di Dios ta duelbo den bo bida ? Kon Dios ta papia ?
E muhé ta bisa: “Señor, yudami!” Ki súplika mas grandi ora rekonosé den Hesus e Dios ku por yuda!
Hopi bia ora nos ta kana riba kaya nos ta topa hende ku ta pidi nos yudansa, kisas algu di sèn, por ta un mirada, kisas un sonrisa òf par palabra simpel komo saludo…¡ Esta miserabel nos a bira pa loke ta trata humanidat !
E muhé ta insistí. Nos sa ku no tur orashon akseptá ta orashon kontestá. Tin persona ku inklusive ta kere ku e aparente silensio di Dios ta indiferensia dilanti mundu i su problemanan. Pero esaki no t’asina. Mester deskubrí kon Dios ta papia den nos mundu pa por komprondé kiko E ke bisa nos.
Hesus ta laga e muhé warda largu, den realidat e ta poniend’é na prueba grandi ku únikamente fe profundo por aprobá.
Den e mama aki yen di doló pa sufrimentu di su yu muhé nos ta haña hopi elemento ku ta sirbi nos pa nos kaminda kristian di awendia. Un pagano ta duna nos lès magnífiko di e manera kon nos mester aserká Dios i kon trat’É.
Den e muhé nos ta deskubrí:
1. Amor: e tabata pagano pero e tabata stima su yu muhé. Kuantu bia nos ta pensa ku paganonan di awe no ta stima ni ke esnan di nan!
2. Fe den djE: el a konfia den djE sin bèrgwensa ni miedu.
3. Un fe ku e tabata adorá: el a kuminsá pa siguiÉ, pero el a kaba na rudia dilanti di djE. El a kuminsá ku hasiendo petishon na djE i el a kaba hasiendo orashon.
4. Gran perseveransia: un i otro bia e muhé tabata insistí dilanti Señor i esnan huntu kuné i no a stòp te ora el a haña loke e tabata deseá. Su gritunan a transformá den silensio agradesidu.
Hesus ta kaba atmirando e fe di e muhé ei ku a demonstrá mas bon kalidat: sabiduria, humildat, bondat i kariño, pasenshi… pero Señor t’a sa bon ku tur esaki tabata produkto di su fe.
No nos tur komo kreyente tin e mesun nivel di fe ni e mesun madures spiritual. Nos no tin ku ansha esun mas débil ku nos den fe i no eksihí di dje meta ku, pa awor akí, e no por alkansá. Kuantu rabiamentu i intrankilidat nos lo spar nos mes si nos mira otro komo ruman i no komo nos disipel! Dios a hasi nos ruman di nos rumannan, nunka pa ta nan hues.
Tin kristian ku ta asina preokupá pa e dògma, pa e doktrina pa e puresa di e formanan ku nan ta lubidá, kisas ku demasiado frekuensia, di e puresa di kurason, i di e forma aki loke nan ta eksigí den nòmber di Dios nan ta desakreditá ku nan bida.
Nos ta haña impreshon ku esun ku no a komprondé amor di e mama aki no ta komprondé ken Dios ta … I na mes momentu ei, su yu muhé a keda kurá.
vrijdag 15 augustus 2008
Ex-bisschop Lugo geïnaugureerd als president Paraguay
Schorsing
Lugo werd in 1994 bisschop van San Pedro, maar nam negen jaar later ontslag omdat hij als politicus de armen wilde helpen. De paus weigerde destijds het ontslag te aanvaarden. Wel werd hij als bisschop geschorst. Desondanks stelde Lugo zich eerder dit jaar verkiesbaar voor het presidentschap. Op 20 april werd hij verkozen.
Kerkelijk verbod
Omdat Lugo op het moment van zijn verkiezing officieel nog bisschop was, was hij formeel gebonden aan het kerkelijk verbod op het bedrijven van politiek. Paus Benedictus XVI onthief Lugo op 30 juli van zijn bisschoppelijke plichten zodat hij het presidenteel ambt op zich zou kunnen nemen zonder zich aan een kerkelijke misdrijf schuldig te maken.
Uitdagingen
Er staan de kersverse president Lugo een aantal forse uitdagingen te wachten: van elke tien Paraguayanen leven er vier onder de armoedegrens; een groot deel van de bevolking is analfabeet; en het land kent maar liefst 300.000 landloze boeren. Op dit moment is een kleine, rijke elite nog eigenaar van een meerderheid van de landbouwgrond. Lugo heeft beloofd om landhervormingen door te voeren.
Bron: www.katholieknederland.nl
woensdag 13 augustus 2008
Pleidooi voor ecologische bekering
’Christenen moeten voortrekkers zijn in zorg voor milieu’
ANTWERPEN (RKnieuws.net) - "Het valt op hoe zelden je levensbeschouwelijk geïnspireerde stemmen hoort over de milieucrisis. Ecologisch bewustzijn gaat nochtans over het voortbestaan van de aarde en over de zorg voor de komende generaties. Dat zijn bij uitstek humane en dus ook religieuze bekommernissen. Voor nogal wat religies bezit de natuur trouwens een sacraal karakter en ook in de monotheïstische godsdiensten – jodendom, christendom en islam – is ‘eerbied voor de schepping’ niet zonder belang": dat schrijft hoofdredacteur Peter Vande Vyvere vandaag in het Vlaamse christelijk weekblad Tertio.
"Voor sommigen is de joods-christelijke traditie medeschuldig aan de milieuverloedering. Wellicht moeten we die gedachte niet te snel terzijde schuiven. Een verkeerde en eenzijdige interpretatie van Gods opdracht aan de mens in Genesis 1,28 – “Bevolk de aarde en breng haar onder je gezag” – heeft onmiskenbaar veel schade aangericht. De terechte ‘onttovering’ van de natuur, zo typisch voor het monotheïsme, is doorgeslagen in verwaarlozing en ontwrichting van het niet-menselijke leven op aarde. Het christelijke denken en doen, niet toevallig de voedingsbodem van de moderne cultuur, hebben de mens al te vaak compleet van de natuur losgemaakt. In een vakantietoespraak vorige week in Noord-Italië gaf paus Benedictus XVI toe dat de katholieke kerk de bescherming van het milieu lange tijd heeft onderschat en dat ze haar eigen scheppingsleer heeft verwaarloosd. Die bekentenis illustreert een stille kentering op alle echelons in het katholieke denken over ecologie. Het recente Romeinse Compendium van de sociale leer van de kerk wijdt een van zijn twaalf hoofdstukken aan ‘de bescherming van het milieu’. In Vlaanderen zet het Netwerk rechtvaardigheid en vrede zich met publicaties en straks met een heuse professionele animator in voor meer ecologisch besef in parochies en christelijke gemeenschappen", stelt Vande Vyvere.
"Dat zijn gunstige evoluties. Ook correcties op een ongelukkige scheefgroei. Want de verwaarlozing van milieu en natuur is niet aan het wezen zelf van het christendom te wijten. ’Ze is veeleer het gevolg van een plat materialisme waarin elke notie van God en schepping ontbreekt’, zei Benedictus XVI tijdens zijn recente vakantietoespraak. Als dat klopt, kunnen en moeten christenen voortrekkers worden in de zorg voor het milieu. Er is nog een lange weg te gaan, aldus de Tertio-hoofdredacteur.
zondag 10 augustus 2008
DI DIESNUEBE DJADUMINGU SIKLO A
Promé Lektura : Reinan 19, 9a. 11-13a.
Salmo : Salmo 85, 9a-14
Di dos Lektura : Romanonan 9, 1-5
Evangelio : Mateo 14, 22-33
Lo tabata di tiki importansha pensa ku loke ta mas importante di e storia aki tabata e milager di kana riba awa, i ku únikamente pa esei Hesus a ser proklamá komo Yu di Dios. No ta únikamente e kanamentu riba awa, sino hinter e proseso ku e pasashi aki ta konta nos lo por a siña di dje.
E orashon di Hesus promé ku kualke evento ku "lo revelá" algu importante di djE òf di su Tata ya ta karakterístika su forma di aktua (e boutismo, e transfigurashon, e orashon di Nos Tata, su mes krusifikashon i morto). Esaki ya ta duna nos kuminda pa pensa ku e ta buska pa revelá un aspekto importante di nos fe.
E mal tempu ku ta menasá e barku no tabata algu straño pa e disipelnan ku tabata piskadó òf tabata biba serka di laman, pero loke nunka nan lo a imaginá nan mes tabata di mira Hesus kanando riba e mal tempu , ku outoridat , doño di e situashon. Su sklamashonnan riba su karakter di fantasma òf imaginashon, i e sklamashon di Hesus " boso no spanta, ta Ami", ta kòrda nos riba e aparishonnan di Hesus resusitá; komosifuera na e momentu ei e gloria di Hesus lo a manifestá su mes i ta p'esei e disipelnan no a rekonos’é bon.
Despues ta bin e sorprendente sklamashon di Pedro: “Señor, si t’Abo, mandami kana bin serka bo kanando riba awa.” ku si mi mester kana riba awa bini serka Bo”. Pedro ainda no tabata sigur ku ta Hesus i di tur moda el a pidié algu imposibel: "kana riba awa". Aki Pedro ta hasi un berdadero akto di fe ku despues e demas disipelnan lo kompartí ora nan sklama : "En bèrdat, Abo ta E Yu di Dios". Esaki ta e mensahe sentral di e storia: e akto di fe di e disipelnan ora a sklama ku Hesus berdaderamente tabata Yu di Dios.
E sklamashon aki di Pedro di ke bai serka Hesus a ser kontá únikamente pa Mateo i ku esaki e evangelista ke ilustrá pa nos kon ta biba e akto aki di fe:
Promé: e akto di fe ta konfiansa apsoluto den Palabra di Dios. Boso ta kere ku Pedro (hinter un piskadó) por a pensa ku e lo por a kana riba awa? Si e hasié anto ta pasobra ku e ta skucha bos di Hesus ku ta bis’é: "bini".
Di dos: e akto di fe ta konfia ku un hende no ta kana únikamente riba su forsa. Dikon Pedro tabatin miedu? Pasobra el a pensa ku e lo no por a hasi loke e tabata hasiendo, i ora el a sinti "e awa na su ènkel" el a duda di su mes i di Dios, i a kuminsá ta senk.
Di tres: Dios ta e úniko ku por saka nos for di nos krísis di fe. Pedro no a bira pa mira e barku òf su amigunan, sino Hesus.
E eksperensia aki di Pedro i e disipelnan ta siña nos ki importante ta pa skucha Hesus mei mei di “e mal tempu ku nos ta bibando den nos bida. Ora nos ta pasa den momentunan difísil nos no ta mira Hesus na ningun banda, nos ta sinti miedu i skuridat dilanti di e imposibilidat di haña forsa òf lus pa Sali di situashonnan ku nos ta bibando. Sinembargo, awe nos ta skucha Hesus ku ta siña nos ku E semper lo ta ku nos i t’e asta mei mei di mal tempu” e ta kombidá nos pa kana bin serka djE; ku fe, ku speransa poné den su palabra i no den nos forsa, ku e sertesa ku E lo ta yamando nos pa duna testimonio di su presensia mei mei di nos difikultatnan.
Pedro, tabata piskadó, i e tabata sa ku e no por a kana riba awa. Sin embargo, ku konfiansa den Hesus el a hasi “asta loke tabata imposibel”. Nos talbes ta pensa ku nos no por ku e situashonnan den kua nos ta bibando, ku ta imposibel pordoná kasá òf famia, ku ta imposibel kuida e persona ku ta malu òf ta mashá kabesura, ku ta mas ayá di nos forsa pa hiba nos yunan riba e kaminda di Dios. Sinembargo, awe nos ta skucha un “bos”, nos ta skucha esun ku ta Palabra di Dios, ku ta bisa nos “BIN”. Kana riba awa, tribi na pordoná, pa tin pasenshi, pa mira mas ayá di bo forsa, pa konfia den Mi. Únikamente ku nos wowo bon fihá den Señor i nos esfuerso sinsero nos lo por sali viktorioso di e tormenta.
Ban pensa e siman aki riba e proyekto, situashon òf desishon ku nos no tabata ke asumí pa motibu di miedu, pa falta di klaridat òf di forsa. Skuchando bos di Kristu ku ta yama nos pa siguiE “den e mal tempu”, laga nos tribi dal e promé paso den direkshon di loke Hesus ta pidiendo nos.
zondag 3 augustus 2008
DI DIESOCHO DJADUMINGU SIKLO A
Promé Lektura : Isaias 55, 1-3
Salmo : Salmo 145, 8-9, 15-18
Di dos Lektura : Romanonan 8, 35-39
Evangelio : Mateo 14, 13-21
Awe nos ta skucha e pasashi di multiplikashon di pan, un di e poko pasashinan ku a ser kontá pa e kuater evangelistanan, i inklusive ta ser ripití dos bia den e mesun Evangelio (Mateo i Markos). Por lo tantu, for di e echo aki nos por ta sigur di e importansia ku e tabatin pa e promé komunidat kristian. Pero, kiko tabata yama atenshon di e promé kristiannan riba e pasashinan aki? Laga nos trata na profundisá kòrtiku asina den dje.
Di un òf otro manera, tur e evangelistanan ta enfatisá “e hamber” ku hendenan tabatin pa skucha i haña sanashon pa medio di Hesus, pues tur ta konta ku Hesus a trata di alehá su mes pa un tempu i e hendenan a siguiE “na e otro kantu di laman”. Ku e rekonosementu aki di e hendenan di Hesus ya nan a laga mira ku nan kurason tabata disponibel pa risibí e gran don. Kada bia Hesus tabata eksigí fe pa realisá un o otro milager, i inklusive a resaltá ku e Gran Milager tabata di a risibí tal fe. Ta p'esei , realmente e promé gran milager di e storia aki tabata ku e disipelnan a eksedé pa laga e hendenan sinta i ku e hendenan a kai sinta! Sinku mil hòmber mas muhé i mucha, ku hamber, no ta un multitut masha fásil pa kontrolá; sinembargo, nan tur a obedesé i a sinta konvensí ku Hesus lo a alimentá nan. (Bendishoná ta e fe di e hòmber i muhénan ei!)
Despues lo bin e rito, spliká pa e kuater evangelistanan, Ku Hesus a realisá promé di a alimentá tur hende: “El a kohe e sinku pannan i e dos piskánan, i hisando kara na shelu el a pronunsiá un bindishon, parti e pannan i a duna nan na e disípulonan....”; palabranan ku ta mashá paresidu na esnan pronunsiá durante e último sena. Ta yama atenshon ku e disipelnan no ta menshoná “kon” a multipliká e pan- ku piskánan; ke men, si a multipliká den e makutu, si nan a sali for di man di Hesus, òf kon esaki a sosodé. En kambio si nan ta kompartí e gesto di bendishon di e pannan i piska.
Kiko pues tabata loke Hesus a duna nan den alimento? Algun pan i piska? Nos lo por pensa ku esaki tabata e intenshon di Hesus ora El a realisá e milager aki? Definitivamente ku nó! Hesus ta mustra nos ken ta ken ku ta duna nos e alimento berdadero, e alimento ku no ta muri i ku ta sobreabundante, i esaki ta nos Tata. I di otro banda e ta mustra nos kiko ta e alimentu aki: nos fe den Hesus. Di kiko e hòmber i muhénan den a atardi ei a sali sasiá? Di nan hamber físiko, nos no ta kere; mas bien nos lo por pensa ku nan tur a sali sasiá di nan fe den Hesus; nan a sali yen di speransa komo ku e bashí ku nan tabata sinti pa motibu di no por a kere den un hende a keda sasiá.
Di otro banda ta ku nos tin un gran siñansa pa nos trabou di evangelisashon ora nos mira loke Dios por hasi ku asina tiki (5 pan i dos piská) ku nos lo por a entrega na djE.
Kuantu biaha nos no a sinti nos mes ku set, ku hamber di un speransa, di silensio, di pas, di sabiduria pa eduká nos yunan, di “lus” pa kana den forma rekto riba nos kaminda, di amor, di fe ku ta sostené nos den momentunan difísil? Na unda nos ta rekurí? Akaso nos ta kore bai na e “otro kant’i laman”? Ke men, ku nos ta buska manera di hala bai di nos seguridat, di nos rutina pa skucha i risibí Palabra di Señor. Ta únikamente Dios ta esun ku ta sasia nos set profundo pa kere den algu, kere den un hende.
Pa loke ta trata e pan i piskánan ku e disipelnan ta presentá , nos lo por a mira refleho di nos mes ora nos ta kuminsando ku un proyekto grandi.. (un famia, un apostolado, kombershon personal ... establesiendo e Reino di Dios) i nos ta mira e tiki “hèrmènt-” òf donnan ku nos tin; pero tal manera a sosodé na tal okashon, si nos pon’é de man di Señor i nos konfia den su presensia multiplikadó, nos ta mira tempran ku lat ku ta kere, ku nos tiki i birtutnan limitá a sirbi pa realisá realidatnan grandi.
Ban purba e siman aki pa “alimentá” otronan ku nos palabra, ku nos pordon, ku nos presensia, ku nos orashon, òf talbes den forma mas konkreto dunando di kome na esun ku no tin, hasiendo asina presente e providensia di Dios.
donderdag 31 juli 2008
Kardinaal Kasper pessimistisch over dialoog met anglicanen
Hilversum (Van onze redactie) 31 juli 2008 - Het besluit van de anglicaanse Kerk van Engeland om vrouwen tot bisschop te wijden betekent een grote stap achterwaarts in de oecumenische dialoog. Dat zei kardinaal Walter Kasper gisteren in zijn toespraak tot de anglicaanse bisschoppen die in Canterbury bijeen zijn voor de Lambeth Conference. Kasper is de president van de Pauselijke Raad voor de Eenheid der Christenen.
Definitieve blokkade
Kasper zei dat er na het Tweede Vaticaanse Concilie vooruitgang is geboekt in de wederzijdse toenadering van beide kerken. Maar de bisschopswijdingen van vrouwen “blokkeren op substantiële en definitieve wijze de mogelijke erkenning van anglicaanse wijdingen van de zijde van de katholieke Kerk”, zei de Duitse curiekardinaal.
Geldigheid wijdingen
De erkenning van de wijdingen in andere kerken hangt voor de Katholieke Kerk af van de apostolische successie: alle wijdingen in de geschiedenis moeten uiteindelijk terug te voeren zijn op de apostelen. Ook hangt erkenning af van de geldigheid van de wijding. Volgens de leer van de Katholieke Kerk en van de Orthodoxe Kerken kunnen alleen mannen geldig tot priester en bisschop gewijd worden.
Uitweg met Gods hulp
Kasper wenst dat de dialoog tussen beide kerken wordt voortgezet, maar gezien de recente ontwikkelingen is die dialoog wel onder druk komen te staan. Hij hoopt dat “er met Gods hulp nog een uitweg” gevonden wordt.
Homoseks
In zijn toespraak gisteren bekritiseerde Kasper ook de houding van veel westerse anglicaanse bisschoppen ten opzichte van homoseksualiteit. In de Anglican Communion, de wereldwijde vereniging van anglicaanse kerken, bestaan er grote verschillen in opvatting over deze kwestie. Volgens de katholieke leer is homofiel seksueel verkeer moreel gesproken intrinsiek slecht.
Autonome bisschoppen
Veel van de onenigheid tussen de verschillende anglicaanse bisschoppen is te wijten aan de anglicaanse kerkorde, zei Kasper. Iedere bisschop maakt deel uit van een onafhankelijke kerk en is zelf ook autonoom. Binnen de Katholieke Kerk zijn alle bisschoppen op elkaar betrokken en vormen dankzij de wettelijke verbondenheid met de paus een collegiale eenheid, aldus de curiekardinaal op de Lambeth Conference.
Bron: www.katholieknederland.nl
