Felis Pasku

Mare den e dianan di fiesta aki,
amistat sea bo mihó trahe,
bo sonrisa e mihó regalu, bo fe mihó destino,
i bo felisidat mi mihó deseo.
E mihó di tur regalunan di Pasku,
ta presensia di Hesus den kada un hogar uní den Su amor"

PASKU DI NASEMENTU 2008

Solemnidat

Promé Lektura : Isaias 9, 1-3. 5-6
Salmo : Salmo 96, 1-2. 16-18. 22
Di dos Lektura : Tito 2, 11-14
Evangelio : Lukas 2, 1-14


Awe nos ta selebrá ku Dios a hasi su mes un di nos, el a bira hende. Esun tabata lus i tabata biba den eternidat, a aserká skuridat i a forma parti di nos istoria. Kon ta hasi selebrá e echo aki sin fe? Fe ta permití nos kere den Dios, rekonosé su presensia bibu entre nos, eksperensiá su amor infinito ora papia ku nos no ya no pa medio di profetanan sino atraves di su propio Yu. FE a hasi nos yu di Dios! Bendishoná sea fe ku ta permití nos selebrá Pasku i ku esaki nos propio nasementu den bida di Dios.

Sinembargo, Pasku no ta selebrá solamente loke a pasa dos mil aña pasá. Pasku ta habri nos pa speransa ku ta anunsiá na nos próksimo binida di nos salbador. Pasku ta nifiká spera semper un mihó bida, un mihó aña, spera ku goso e viktoria definitivo riba nos sufrimentu i nos pikánan pa por gosa plenamente di presensia di e amor di Dios. Pasku ta habri nos kurason pa un speransa ku mundu no por duna nos, ta anhelá e pas ku únikamente Dios ta duna nos i e goso ku su presensia ta trese pa nos.

Huntu ku fe i speransa, Pasku ta habri pa nos e amor infinito di Dios pa nos. No ta nos forsa a alkansá esaki, tabata Dios den su mizèrikòrdia ku tabata ke “alkansá nos” na nos. Amor a bira karni i a biba entre nos. Kon no keinta nos kurason pa e amor aki ku a bira un ku nos? Lo tin un skina humano ku Dios no a abarká ? Hamas! Dios a bira plenamente humano i ku esaki a kapasitá nos pa ta divino, pues nos a bira yu den e Yu. Esaki ta e amor na kua nos ta yamá pa biba. Pasku ta sende den nos deseo pa kompartí e amor aki ku nos a risibí, den rekonosé e amor aki den nos ruman i selebr’é ku tur festividat posibel.

Pasku ta invitá nos pa rebibá nos fe, nos speransa i nos karidat. Kon esaki lo afektá nos den nos bida diario?

Asina manera nos ta rekonosé ku ta imposibel selebrá Pasku sin fe, di mesun manera ta imposibel selebrá presensia di Dios den nos bida sin dje. Kon nos por trata nos famia den amor di Kristu, si nos no ta permití nos fe yuda nos mira un proyekto divino den dje i no únikamente relashonnan humano ku tin bia ta difísil? Fe, ta duna nos kapasidat pa selebrá presensia di Dios no únikamente ora ta Pasku, sino hinter nos bida, pues “Dios a bini na nos” via di nos mes. Nos lo ta kapas pa rekonos’é e Pasku aki?

Di e mesun manera, mira nos bida sin e speransa kristian ta bai bèk na un seri di viktoria i frakaso ku poko sentido pa nos realisashon integral. Speransa di Pasku ta permití nos mira nos bida ku optimismo, poniendo nos konfiansa i nos goso den Señor i no únikamente den nos esfuerso. Esaki ta duna nos libertat, pas i riba tur kos ta permití nos biba e
kompañamentu di Dios den nos istoria personal i familiar.

E karidat kristian, esun ku ta bai mas ayá di relashonnan ku ta kumbiní, esun ku ta duna sin spera di risibí, esun ku nos ta biba ku spontaneidat i ta duna nos libertat total; e karidat aki ku nos a risibí di e Salbador, ta e karidat ku e yuchi ku a nase na Bètlehèm a trese pa nos. Nos por kompartié ku esnan ku ta rondó di nos?

Esaki ta e Pasku berdadero, esun ku ta kòrda nos ku hinter nos bida nos a siña pa biba ku fe, speransa i karidat hasiendo di kada dia un selebrashon di nasementu di nos Salbador.

'Paus wil niet koeioneren maar debatteren'

Hilversum (Van onze redactie) 24 december 2008 - Journalisten doen geen moeite om te begrijpen wat de paus bedoelt als hij gender, homoseks en transseksualiteit verbindt met de ondergang van de aarde. Dat vindt hoofdredacteur Giovanni Maria Vian van de Vaticaanse krant L’Osservatore Romano. De paus wil niet koeioneren, maar debatteren.

Tropische regenwouden
Benedictus XVI oogstte wereldwijd veel kritiek met de kersttoespraak die hij eergisteren hield tot de Romeinse curie. Daarin betoogde hij dat de mens zichzelf door gender, homoseks en transseksualiteit vernietigt. De strijd die de Kerk voert voor het behoud van het heilige huwelijk als sacrament van de schepping, is volgens de paus belangrijker dan het beschermen van de bedreigde tropische regenwouden.

Bemoeizuchtig
Veel media citeerden de afgelopen dagen de opvallende passage in de pauselijke toespraak. Vooral in Italië werd het bericht in veel kranten met een ondertoon van afkeuring gebracht. Het invloedrijke linkse dagblad La Repubblica kwam eerder deze maand al in aanvaring met het Vaticaan door openlijk grote vraagtekens te plaatsen bij de stroom aan morele instructies die de paus zou uitvaardigen. Bedillerig, autoritair en eenzijdig, vond de krant.

Zuur en vooringenomen
Veel kritische media roepen maar wat, vindt de hoofdredacteur van L’Osservatore Romano. “Vaak is er geen enkele bereidheid tot begrip. Men neemt liever iedere kans te baat om een polemiek te voeren die niet alleen zuur en vooringenomen is, maar vooral ook volkomen ongefundeerd”, schrijft Giovanni Maria Vian in zijn hoofdredactioneel commentaar.

Geestelijke kracht
Waarom begrijpen journalisten het niet? Benedictus XVI verkondigt immers geen revolutionaire dingen, schrijft de hoofdredacteur. De paus wil alleen maar aangegeven wat de kern is van de traditie en de voortzetting ervan. De Kerk wil – ondanks haar menselijke onvolkomenheden – de genade van God steeds zichtbaarder maken.“Daarom spreekt en reist de bisschop van Rome. Daarom nemen de Heilige Stoel en de Kerk op meerdere manieren het woord als 'spritituele kracht’ die de weg wijst”, schrijft Vian.

Obscure machtsmachine
Hoe kan het toch dat de moderne cultuur niet in debat wil treden met de Kerk, vraagt de Vaticaanse krant zich af. De Kerk wil immers niet dwingen, maar aanbieden en tot nadenken uitnodigen. “Het is merkwaardig dat een instituut dat doorgaans wordt afgeschilderd als een obscure en wrede machtsmachine, regelmatig wordt verweten (…) dogmatisch te zijn, precies op het moment dat het voorstelt om de discussie aan te gaan”, aldus de hoofdredacteur.

Bron: www.katholieknederland.nl

'Geld werd in aanloop financiële crisis van middel tot doel'

Hilversum (Van onze redactie) 24 december 2008 - De ecologische crisis is wellicht veel groter dan de huidige financiële crisis. “Maar overheden hebben aan financiële instanties al vele malen meer geld uitgegeven. Het geeft de kortetermijnvisie van politici weer, die er beducht voor zijn niet opnieuw verkozen te worden”, zegt bisschop Gerard de Korte van Groningen-Leeuwarden vandaag in een interview met het Financieele Dagblad.

Vreemdelingenhaat
De bisschop-referent voor Kerk en Samenleving sluit niet uit dat de crisis tot bezinning en inzicht in de juiste prioriteiten leidt. “De Kerk heeft twintig eeuwen christelijke waarheid in pacht om te vertalen naar nu en ik hoop dat politici dat oppakken.” Maar de gevolgen van de crisis kunnen ook de andere kant opslaan, vreest De Korte. “Als de werkloosheid oploopt en de welvaart in gevaar komt, kunnen vreemdelingenhaat en nationalisme gaan opspelen. Die noties zijn nu al in de samenleving aanwezig, dat baart mij zorgen.”

Bezinning
Het Financieele Dagblad kondigt het kerstinterview met de bisschop al op de voorpagina aan onder het kopje ‘bezinning’. Want zo schrijft de auteur van het prominent op pagina 3 geplaatste interview: “Nu de kredietcrisis zich onmiskenbaar aan de reële economie opdringt, is de behoefte aan bezinning groter dan ooit. Bekende thematiek voor de katholieke kerk (…).”

Geld als doel“Hooggeschoold en welvarend maakt egocentrisch”, zegt De Korte in het interview. Dat patroon heeft volgens de ondernemerszoon ook een rol gespeeld bij het ontstaan van de financiële crisis: “Een goed functionerende economie bestaat bij de gratie van evenwicht tussen eigenbelang en maatschappelijk belang. (…) Het lijkt erop dat de huidige crisis in de financiële wereld mede is veroorzaakt door een gewilde of ongewilde omwisseling van doel en middel. Geld als doel sluit mensen in zichzelf op. (…) Dat heeft vooral in de Verenigde Staten geculmineerd in hebzucht en overconsumptie.”

Feelgoodgeloof
De crisis biedt de Kerk kansen, denkt De Korte. “In onzekere tijden worden mensen teruggeworpen op de zinvragen. Ik ben hoopvol over de rol van de Kerk als moreel kompas naar een samenleving waarin het gemeenschappelijk belang weer aandacht krijgt. Maar het christelijk geloof is geen feelgoodgeloof.”

Het eigen ik
"De Kerk kan troost bieden in moeilijke tijden, maar kent ook een uitdagende kant, die van zelfopoffering”, zegt de bisschop. Al die happiness-religiositeit van de laatste jaren heeft vooral te maken met het eigen ik. Je dienstbaar opstellen, zoals de christelijke leer predikt, brengt niet automatisch het grootste geluk. Toch zul je als je gericht bent op de ander uiteindelijk zelf geluk vinden.”

Bron: www.katholieknederland.nl

Pader Bouman ta regresá Hulanda dia 28 di desèmber próksimo

Pader Bouman a nase na Hulanda 4 di yüli 1929 i a keda ordená komo saserdote dia 25 yüli 1959.
El a bini na Kòrsou sèptèmber 1961 pa despues bai traha na Oranjestad, Aruba i despues na Bonaire kuater aña
Na 1971 el a bira e promé pastor di Koraal Specht.
El a kuminsá ku su parokia den kura di skol i tur djadumingu el a instalá su misa den kura
Na tur manera el a buska fondo pa traha e misa aki i a logra tambe .
Tambe e tabata traha komo aalmoezenier den prison.
Despues el a bai Aruba atrobe komo pastor di Brasil i pastor di Dakota.
Pa su trabou el a wòrdu kondekorá komo Ridder di Oranje Nassau.
For di 1999 e ta biba den kas di Sentro Pastoral na Aruba i for di aya el a duna hopi asistensia na diferente parokia na Aruba i un bia pa aña el a bini durante un luna pa asistí na Misa di Santa Ana aki na Kòrsou.
Djadumingu 28 di desèmber e lo regresá Hulanda na unda e ta bai biba na Voorschoten den un konbentu di Sùrnan Dominicanonan na unda algun pader ta biba kaba.
For di aya e kier duna asistensia na diferente komunidat di Antiano i Arubianonan na Hulanda.
Pader Bouman ta un hende ku su kurason a keda aki na Antia i Aruba.
Su amor, su fe i dedikashon ta un ehèmpel pa hopi di nos.
Nos ta deseá pader Bouman un tempu agradabel i hopi forsa in salú na Hulanda.

DI KUATER DJADUMINGU ATVÈNT SIKLO B

Promé Lektura : Samuel 7, 1-5. 8b.12. 14a.16
Salmo : Salmo 89, 2-5. 27-29
Di dos Lektura : Romanonan 16, 25-27
Evangelio : Lukas 1, 26-38


Nos ta riba e di kuater djadumingu di atvènt i nos ta topa ku e figura sentral di atvènt ... Maria. Ta den Maria, di forma privilegiá ta personifiká e disposishon nesesario pa risibí Señor den su binida.

San Lukas ta kompartí ku nos e storia aki di e enkuentro entre Dios i e ser humano. E kuenta lo a parse un diálogo simpel entre Maria i Angel Gabriel. Sinembargo, nos sa ku no ta asina. Tabatin un pueblo ku tabata sperando ya mil aña riba e momento aki i pakiko no bis’é, hinter kreashon tabata spera un dia e enkuentro ku su Kreador. Di manera ku e diálogo aki ta un enkuentro mashá spesial ora ku Dios a disidí ku ta tempu no únikamente di papia ku e ser humano sino di enkarná su mes i hasi su mes pa e ta presente entre nos.
Nos ta topa ku tres personahe den e kuenta aki: Angel Gabriel, Maria i Dios (e Tata ku ta manda e Yu, e Yu ku ta enkarná, i Spiritu Santu ku ta realisá e enkarnashon). Ta parse interesante reflekshoná riba e personahenan di Maria i di Dios.
Maria ta aparesé komo esun ku ta atento na bos di Dios. No tabata fásil rekonosé Dios su bos den e Angel i ménos aseptá e mensahe. Pa bunita ku e pasashi aki por parse nos, pa Maria no tabata fásil komprondé kon e por tabata na estado sin konosé un hòmber, kiko tabata nifiká ku e yu ei lo tabata e Yu di Dios, kon e lo a kuminsá bisa Hosé i su mayornan esaki… hopi duda lo mester a pasa den kurason di Maria. El a skucha, el a konfia i a pone su bida den man di Dios: “laga sosodé ku mi loke ta bo boluntat”. Bendishoná sea Maria kende ku su konfiansa a permití nos gosa di presensia di Dios mes entre nos.
Di otro banda, nos ta topa ku Dios. Dios no tabatin pakiko enkarná pa salba nos. Den su infinito sabiduria e tabata por a haña mil forma pa trese salbashon pa nos… e por a aparesé predikando den desierto, sin nesesidat di enkarná su mes i pasa hinter bida entre nos, e por a manda un gran profeta ku lo a hasi e salbashon aki presente… posibilidatnan tabata hopi, sinembargo, Dios ta skohe pa hasi su mes un di nos. For di e enkarnashon, Dios ta biba entre nos, e ta kana ku nos, e ta komprondé nos perfektamente pasobra el a biba manera nos, el a gosa, sufri i muri manera nos pa asina un dia nos por resusitá manera E a hasié. Bendishoná sea Dios, ku no únikamente a krea, kuida i stima nos, sino ku awor a hasi su mes un ku nos i ku esaki… a salba nos!

For di dia ku Dios a enkarná i a bira hende den persona di Hesus di Nazaret, mundu ya no ta igual, pues for di e momento ei nos ta gosa di e presensia real di Dios mes ku a krea nos i a yama nos pa biba den amor. Komo kristian nos tin e gran tarea di hasi esaki presente. Ningun otro religion ta papia di un presensia manera esaki. Ta un tesoro ku komo kristian nos no por deskuidá òf lubidá ku tantu téknika di merkadeo konsumista ku ta kita nos atenshon. ¡Dios ta ku nos! Esaki ta e berdadero goso di Pasku. Kon hasi e Bon Notisia aki , e echo aki presente den nos bida?
Maria ta un bon ehèmpel pa kumpli ku e mishon aki. Maria a aseptá e reto di engendrá, kuida i eduká e yu di Dios mes. Tarea nada fásil pero ku Maria a aseptá ku goso i riba tur kos ku konfiansa pleno den nos Señor. Laga nos pensa unda Dios ta den nos bida ... : den mi pareha, mi mayornan, den mi yunan… den esun ku mester di mi presensia, di mi tempu, di mi plaka òf di mi abilidatnan… den hopi direkshon i di hopi manera, Dios ta sigui hasi su mes presente i ta sigui pidi nos, pa segun ehèmpel di la Bírgen Santísima nos asept’é , akohé i stim’é.

Laga nos prepará nos mes pa biba e Pasku aki, purifikando nos kurason di tur egoismo, di konsumismo ku ta hasi nos bashí, di odio ku ta stroba nos di stima òf di e indiferensia ku ta hasi imposibel pa nos pa aktua. Dios ta ku nos! Esaki ta nos Bon Notisia. Laga nos risibié ku un kurason generoso manera Maria a sa di hasié den humildat di su persona.

DI TRES DJADUMINGU ATVÈNT SIKLO B

Promé Lektura : Isaías 61, 1-2a. 10-11
Salmo : Lukas 1, 47-54
Di dos Lektura : 1Tesalonika 5, 16-24
Evangelio : Huan 1, 6-8. 19-28


E siman aki e Palabra ta aserka nos na Huan Boutista, un di e figuranan mas importante den istoria di nos fe. Su grandesa ta yega na tal ekstremo ku den Beibel mes (den Hechonan 19, 3-4) ta konta nos ku Pablo a topa ku algun "disipel" ku no tabata sa nada di loke a bini despues di boutismo di Huan… Pa nan boutismo di Huan tabata lo máksimo. Nos sa ku inkluso tabatin algun sekta di e époka ku a alsa Boutista na lugá di e propio Mesias.
Ta dikon Huan Boutista ta asina importante?
E no a hasi milager, a lo ménos ku nos ta na altura di dje. E no tabatin un bida ekstenso di predikashi. E no tabata fundadó konsiente di ningun kredo…
Kiko ta anto ta loke a hasié SER grandi?
Nos ta ku kere ku ta dos elemento fundamental ta revelá na nos e importansia de e hòmber aki:

• Santidat di su bida ta reflehá den e konstante obediensia na Dios, obediensia na boluntat di Dios.
• E rekonosementu di bèrdat komo forma de evangelisashon i di siguimentu di e Mesias. E no tabata esun ku mester a bini…

A lo largu di istoria nos mester komprobá kon hopi persona enkargá ku evangelisashon a atribuí na logronan optené. Dios ta bira pa nan un medio, no e fin. Pa e personanan aki ku ta buskando mas e mérito propio ku grandesa di Dios, nan lo ta mas interesá pa nan keda bon, ku pa e hendenan aserká Señor. I Huan ta bini pa kibra e skemanan egoista i antikristian aki. Un persona ku ta evangelisá ta grandi ora e ta kapas di ta kaminda ku ta kondusí na Dios. Esaki ta loke Huan a bisa i a hasi.
Tin persona ku ta purba evangelisá, pero usando únikamente nan kriterio. Nan ta kere ku evangelisá ta di hasi loke nan ta bisa ku mester hasi. Nan ta pensa ku kere den Señor ta pa tur hende tin mesun kriterio ku nan i mesun punto di bista. Esaki no ta asina. Evangelisá ta hasi pa hende ta kapas pa pone nan wowo den Kristu, no den e evangelisadó…

• Kon ta ku bo tarea di evangelisadó ?
• Kua ta kriterio ku un outéntiko evangelisadó mester tin?
  

Den Huan Boutista nos ta haña un fe dinámiko, butá den wega. E no ta buska lembelansa ni grandesa.
Nan ta aserk’é i puntr’é ta ken e ta. Su bida tabata un interogante pa esnan ku tabata konos’é. E promé fase di tur evangelisashon ta di spièrta pregunta, nesesidat di reflekshonnan tokante dikon tal persona ta manera e ta. Si e ta un berdadero evangelisadó e kontesta lo bai semper dirigí na Hesus.
Nan a hasié diferente pregunta i e ta kontestá:
- "Ami no ta e Mesias". Den e époka ei no tabatin e mínimo idea tokante kon e Mesias sperá lo mester tabata, Huan lo por a gara na kualkier di nan… E Boutista ta rechasá tur referensia ku nan lo por a dun’é komo Mesias.
-"Abo ta Elias?". E hudiunan tabata kere ku, promé ku e Mesias lo a bini, Elias lo a bolbe na Tera pa ta su mensahero i prepará mundu pa risibié. Speshal e lo a bini pa resolvé tur malkomprondementu. E lo a disidí ken tabata hudiu i ken nò; e lo a reuní famianan ku tabata den enemistat. Kreensia den binida di Elias promé ku e Mesias ta bini den Malakias 4,5. Huan ta kontesta ku e No ta Elias tampoko.
-"Anto, ta abo ta e profeta ku mester a bini?" Na kiko nan tabata referí ? Den e époka ei nan ta kere ku Isaías òf Yeremías lo a bolbe ora e Mesias lo a bini. E idea aki di e profeta primintí ta bini den Deuteronomio 18,15. Huan tampoko ta e profeta sperá ei. Ningun di e preguntanan aki tin kontesta satisfaktorio.
Ta ken Huan Boutista ta anto?
E no tabata mas ku un bos ku tabata yama pueblo pa prepará kaminda pa binida di e Rei.
E otro kuestion ku nan ta plantia ta riba outoridat ku e tin pa batisá.
E boutismo ku nan tabata praktiká e tempu ei no tabata pa israelitanan, sino pa e prosélitos, o sea, esnan pagano (esnan ku no tabata di rasa hudiu), ku tabata prosedente di otro rasa, pueblo i religionnan i a kombertí den e fe di Israel. Nunka tabata batisá un israelita; ya e tabata pertenesé na pueblo de Dios komo nan tabata desendiente di Abraham i a ser sirkunsiá. Pero e paganonan mester a keda labá pa medio di boutismo. Huan tabata hasi ku e israelitanan loke únikamente mester a hasi ku e paganonan. E tabata sugerí ku e pueblo eskohí tambe mester a risibí limpiesa.
Na rais di su outoridat pa batisá e ta hasi un deklarashon di humildat komparabel ku e momentunan estelar di sernan humano di kende nan alma ta ankrá den Dios. E ta bisa: "Mi ta batisá boso ku awa, pero tin Un ku boso no konosé mei mei di boso; E ta esun ku ta bini despues di mi. Ami ni sikiera ta digno pa bùk i lòs feter di su sandalia.”
Lòsmentu di feter di sandalia tabata obligashon di katibu. Tabatin un dicho rabíniko ku ta bisa ku un disipel lo mester tabata dispuesto pa hasi tur kos pa su maestro, no únikamente kita su sandalianan…
Mishon di Huan tabata únikamente prepará e kaminda.
Mensahe di Huan Boutista ta:
E Mesias ta bini. Eliminá tur loke ta stroba pa por risibié. Arepentí di boso pikánan p'asina E por bini i reina riba boso komo Rei.