Bida ta yen di sekretu

Bida ta yen di sekretu. Awe algun hende ta nase y otronan ta despedí di bida; algun ta ser nan wowo i otronan ta habrié n’e lus. Awe hopi a hari i goso, miéntras ku otronan a sufri na gritu òf den silensio; tur kos ta mesklá riba e mundu aki; pena i gloria; guera i pas. Pero no tur kos ta pasa; no tur kos ta manera e para, ku no ta laga ni rastro di su alanan den aire. Tin algu ku no ta pasa bai; nan ta obranan di kada un di nos ta realisá; sea nan ta bon òf malu, nan ta keda den nos rekuerdo, den lo profundo di e konsiensia, den presensia di Dios. I di kada un di e kosnan aki nos mester duna kuenta n’e Kreador, pa nos bèrgwensa òf pa nos konsuelo. Nan ta bisa ku mortaha no tin saku; pero ta ku e obranan no ta sigui nos den e mortaha sino den nos konsiensia.