Kualkier persona

Kualkier persona ta reklamá un derecho,
pero tur hende ta atendé nan derecho.

Kualkier persona ta haña un idea,
pero poko sa na realis’é.

Ta sosodé algu ku kualkier persona,
pero poko sa na razon’e
i hasié práktikamente posibel.

Kualkier persona in un pensamentu briante,
poko tin e kapasidat pa hasié probechoso.

Kualkier persona por eksponé un plan,
pero poko por ta karg’é riba lomba
te ora ke koha i floresé.

Kualkier persona por deskubrí un kaminda,
pero poko sa na bin bèk riba dje

Kualkier persona por krítika,
pero poko ta drecha.

Kualkier persona por señalá kos malu,
pero poko ta traha bon.

Kualkier persona ta komprometé,
pero poko ta kumpli.

Kualkier persona ta sentensia manera un hues,
pero poko pordoná manera un kristian.

Kualkier persona por hasi un bríndis pa loke ta kombin’é,
poko ta sera un aliansa ku esnan ku el a komprometé.

Kualkier persona sa loke e lo tin ku hasi,
pero poko ta hasié n’e momento di aktua.

Kualkier persona ta subi dor di lisonja,
pero poko ta subi dor di amor.

Kualkier persona ta pone un disfras di sosiedat,
pero poko ta kit’é dilanti Dios
i ta mira tal manera nan ta.

Kualkier persona ta lansa un keho di bida,
pero poko ta rekonosé loke nan meresé
i ta hasié soportabel.

Kualkier persona kita e korona di triunfo di otro,
pero poko ta resistí na paga p’e loke e ta eksigí di nan.

Kualkier persona tin un vishon di klaridat,
pero poko ta sali di apatia i ta drenta den lus.

Kualkier persona lo ke a mehorá mundu,
pero poko ta pone nan mes na servisio dje kousa.

Kualkier persona ta grita pa pas,pero poko ta distansha di guera
den bataya di tur dia.

Kualkier persona ta namorá di un strea,
pero poko tin e forsa di rèk e brasa...
i alkans’é!