Orashon

A lo largu dia, kaminda mi ta, mi ta interumpí loke mi ta hasiendo i mi ta hasi un pousa pa un orashon. Mi no mester sera mi wowonan ni spera pa mi por tin algun minüt di soledat. Unda ku mi ta, kualkier sea mi tarea, mi por kalma mis pensamentunan i pronunsiá un orashon di gradesimentu na Dios.
Si algu tin mi preokupá, mi ta pone mi preokupashonnan den man di Dios. Den e momentunan ei di estrecho komunion ku Dios, e peso dje problema ta kita.
Tras di e pousa pa resa mi ta sinti mi mes na pas i kalmá. Relahá, rekonsentrá riba e responsabilidatnan ku mi tin dilanti di mi; mi saku mi por hasi tur loke ta nesesario di moda ordená i efisiente.
Pa pone mi mes bek ku rapides, mi ta inkluí vários pousa pa resa den mi rutina di kada dia.
E ta duna resultado!